წკამი კულტურეფი

წკამი კულტურეფი — ჩანარეფი ვარდიშობურეფიშ ფანიაშ დამაზიშობურეფიშ გიმენფანიაშე. თინეფს ორსხველჷ: ატამა, დამაზი, მარგული, ბული, ქვიშნა ბული, ჸომური, ალიჩა, ნუში, ღოღნაშო დო შხვა. გუნმაღელი ართინოხვენამი წკამი რე, გუმნაღელოფორუ წვენამი რე, ნამუშ დინოხოლენი ფა (ენდოკარპიუმი) წკათ რე გინორთელი, ნამუსჷთ თასი ინოხე. ოჭკომალო გიმირინუანა გუმნაღელოფორუს (ნუშიშ მოხ) მუჭოთ ლადირო, თეშ გინომუშებულს (მურაბა, კომპოტი, ჯემი დო შხვა). წკამი კულტურეფი ართიანშე გინორთელი რენა თელარაშ ხანგჷრძალათ, ძინათ, გუმოღალობაშ დოჭყაფათ, ეკოლოგიურ პიჯალეფშა დოჸუნალათ, მოსალობათ დო შხვა. გომიარაფაშ თარი წესი რე ჸონუა. კანკალე კულტურა (დამაზი, ქვიშნა ბული) ჯინჯიშ ეშნარდით ხოლო იმიარებუ. საქორთუოს წკამი კულტურეფს 30 ვითოში ჰა ფართობი უკებჷ, ნამუთ ხილიშ ბაღეფიშ ედომუშამი ფართობიშ 18%-ის აკმადგინანს. ჩქინწკჷმა წკამი კულტურეფშე არძაშე უმოსი ფართობი უკებჷ ატამას (55%), უკული დამაზის (20%), ბულს (6%), ქვიშნა ბულს (5%), მარგულს (4%) დო შხვა.

ლიტერატურა

ვარძელაშვილი მ., ქსე, ტ. 6, გვ. 81-82, თბ., 1983