ჭაქვინჯი

ჭაქვინჯი – ოფუტე საქორთუოს, სამარგალო-ჟიმოლენი შონეშ აკანიშ ზუგდიდიშ მუნიციპალიტეტის. იდვალუაფუ სამარგალოშ ისტორიული-გეოგრაფიული პროვინციას, წყარმალუ წენწყარიშ ძგას, ნოღა ზუგდიდიშე 16 კმ, ზუღაშ დონეშე 130 მ. ჭაქვინჯი კინი თე ჯოხოდვალაშ თემიშ ცენტრი რე. თემშა თაშნეშე მიშმურს ოფუტე ბაღმარანი. 2014 წანაშ ეჭარუაშ მუნაჩემეფით ოფუტეს ოხორანს 996 ადამიერი.

ოძირაფუეფი

ჭაქვინჯიშ ელჷ-მოლს რე ჯიხა, ნამუთ აკმიდგინუაფუ ციტადელშე დო თუდოლენი ჯიხაშე. ჯიხაშ ოზეს შხვადოშხვა დოშანილობაშ დგჷმილეფიშ ბრელი აკნაცჷმეფი რე. გვიანი შქა ოშწანურეფს ჯიხა დადიანეფიშ ართ-ართი რეზიდენცია რდჷ.

ლიტერატურა

ზაქარაია, პ., ქსე, ტ. 11, ხს. 387. ქართი, 1987