ხარაგაული

ხარაგაული — დაბა, ხარაგაულიშ მუნიციპალიტეტიშ ადმინისტრაციული ცენტრი, იმერეთიშ აკანს, საქორთუოს.

დაბა ხარაგაული ხარაგაულიშ ცენტრი ხარაგაულიშ ცენტრი ქიანა  საქორთუოსაქორთუო აკანი იმერეთიშ აკანიიმერეთიშ აკანი მუნიციპალიტეტი ხარაგაული კოორდ. 42.016667,43.242°01′00″ ოორ. გ. 43°12′00″ ელ. გ. ორდოიანი ჯოხოეფი ბელაგორი (XIX ოშწანურა) ხარაგაული (1949 წანაშახ) ორჯონიკიძე (1949-1989) დაბა  1944  წანაშე ფართობი 2.04 კმ² ოფიციალური ნინა ქორთული მახორობა 1965 კოჩი (2014) ერუანული აკოდგინალუა ქორთუეფი 99,2 % ეთნოქორონიმი ხარაგაულარი, ხარაგაულარეფი ბორჯიშ ორტყაფუ UTC+4 ტელ. კოდი +995 433 ოფოსტე ინდექსი 5600 ხარაგაული ხარაგაული

გეოგრაფია

ხარაგაული წყარმალუ ჩხერიმელაშ ჟირხოლო წყარპიჯიშ ინწრო დო ტომბა ლეხერს იდვალუაფუ, ზუღაშ დონეშე 280―400 მეტრის. ქართიშე მოჩილათირი რე 198 კილომეტრით. (რკინაშარათ 160 კმ.)

ხარაგაულს ზუღაშ სუბტროპიკული ლამე ჰეერი რე, ზჷმიერო რგილი ზოთონჯი დო ელაზჷმაფათ სქირე ჩხე ზარხული უჩქჷ. ოშქაშე წანმწანური ტემპერატურა რე 13,2 °C, ღურთუთას — 3,2 °C, კვირკვეს — 22,6 °C., აბსოლუტური მინიმუმი -22 °C, აბსულუტური მაქსიმუმი — +40 °C. ნოლექეფიშ მუდანობა წანმოანას — 1360 მმ.

დემოგრაფია

2014 წანაშ ეჭარუაშ მუნაჩემეფით, დაბას 1965 ადამიერი ოხორანდჷ.

ეჭარუაშ წანა	მახორობა	კოჩი	ოსური
1989	3119	--	--
2002	2880	--	--
2014	1965	879	1086

ისტორია

ხარაგაულქ გიჭყჷ, მუჭოთ რკინაშარაშ დგჷმილქ XIX ოშწანურაშ 70-იან წანეფს ფუთი-ქართიშ რკინაშარაშ გოჸუნაფაშ გეშა დო ადმინისტრაციული სტატუსი მიპალუ, უკული ომეურნე ფუნქცია უღუდჷ. წიმოხი ჯოხოდჷ ბელაგორი, უკული მიღჷ ჯოხო ხარაგაული. ხარაგაული თემიშ ცენტრი რდჷ, ნამჷშათ მიშმეშჷ ოფუტეეფი დორხველი ხარაგაული, პატარა ხარაგაული, ჯაფარაული, ჩხერი, თეთრაწყარო. დაბაშ სტატუსი მიღჷ 1944 წანას. 1949 წანაშე ჯოხოდჷ ორჯონიკიძე. 1976 წანას მახორობაშ მუდანობა აკმადგინანდჷ 3,2 ვითოშ ადამიერს. 1989 წანას, დართჷ კინოხიანი ჯოხო ხარაგაულქ. 2014 წანაშ ეჭარუაშ მეჯინათ, დაბას ოხორანდჷ 1965 ადამიერი.

ეკონომიკა

ხარაგაულს მუშენს ჸვალ-კარაქიშ, ღვინიშ დო ხილ-კანკარიშ ღვინიშ ქარხანეფი. დაბას რე კულტურაშ დო მოსვანჯაშ პარკი, საჯარო სკოლა 2 საბაღანო ბაღი, მაგურაფუეფიშ ჸუდე, ოსქილადე, პოლიკლინიკა, ბიბლიოთეკა, კულტურაშ ჸუდე, მუსიკაშ სკოლა, პოლიციაშ გიმნართი, ავტოტრანსპორტე ოწარმე, არქივი, კინოთეატრი. ხარაგაულს გიშმურს რკინაშარაშ ცენტრალური მაგისტრალი დო იდვალუაფუ რკინაშარაშ დგჷმილი.

სპორტი

ხარაგაულს რე ოკუჩხბურთე კლუბი „ჩხერიმელა“, ნამუქჷთ 1983 წანას დირსხუ. 2010 წანაშე გიშმურს საქორთუოშ ჩემპიონატიშ მაართა ლიგას, ნამუთ ბუნაშო დორხველი ისტორიაშ გოძვენას საუჯგუშ შედეგი რე. „ჩხერიმელაშ“ დინოხოლენი არენა რე ხარაგაულიშ ოკუჩხბურთე მოედანი.

ოქინაფუეფი

ხარაგაუს იდვალუაფუ ხუროეფიშმონძღვარუაშ ძეგლი კახორი. დაბას იდვალუაფუ ხარაგაულიშ ისტორიული მუზეუმი, ნამუთ 1978 წანაშ დჷნარხუა რე.

გალერეა

• 
  ხარაგაულიშ მიოჯინი
• 
  ხარაგაულიშ ცენტრალური მოედანი
• 
  ხარაგაულიშ სკვერი
• 
  დევეფიშ მონუმენტი
• 
  რკინაშარაშ დგჷმილი
• 
  რკინაშარაშ დგჷმილი

ლიტერატურა

• ქორთული სხუნუეფიშ ენციკლოპედია, ტ. 7, ხს. 590, ქართი, 1984 წანა.