ხინჭკი

ხინჭკი (ლათ. Crataegus) — ძიგირამი ჯალეფი დო ქვერჩხონეფიშ გვარი ვარდიშობურეფი ფანიაშე. იკათუანს 200-შახ გვარობას (შხვა მუნაჩემეფით 1000-შე უმოს გვარობას), ნამუთ გოფაჩილი რე ოორუე გვერდოსფეროშ ზჷმიერ დო ნორთობურო სუბტროპიკული ჰავაშ ზონას (თარო ოორუე ამერიკას). ჸოფილ სსრრ-ს 50-შახ ტყარი დო 75-შახ ეგზოტური გვარობა რე. კავკაციას ორთაშობურო გოფაჩილი 20-შახ გვარობაშე საქორთუოს ირდუ 9. თინეფშე კავკაციური ხინჭკი (Crataegus caucasica) დო კოლხური ხინჭკი (Crataegus colchica, Crataegus pentagyna supsb. pentagyna) ენდემეფი რე, მაართა ობჟათე-ბჟაეიოლ კავკაციას ჩანს, მაჟირა - კოლხეთის. დოჭყანაფილი რე მინი ტყარი ხინჭკი. ინტროდუცირაფილი რე თაშნეშე 30-შახ გვარობა. ტყარ გვარობეფშე ჩქინწკჷმა უმოსო გოფაჩილი რე უჩა ვარდა ხუთბუშტუკამი ხინჭკი, უჩა ხინჭკი (Crataegus pentagyna) დო ორცატარფურცელამი ხინჭკი (Crataegus curvisepala, Crataegus kyrtostyla).

ლიტერატურა

• მირზაშვილი ვ., ქორთული სხუნუეფიშ ენციკლოპედია, ტ. 6, ხს. 72, ქართი, 1983 წანა.