ჯამუნა
ჯამუნა (იამუნა, ჯუმნა, ჯამნა, იამი; ჰინ. यमुना, yamunā) — წყარმალუ ინდოეთის, ედომუშამი სიგჷრძათ 1376 კმ. წყარმალუ განგიშ არძაშე გჷრძე წყარხვეიანი ინმაკათური წყარმალუ რე (110 კმ³ წანმოწანას). ოდუდეს იკეთენს ჰიმალაეფიშ გვალეფს, გჷშმურს იამუნოტრიშ ჯიშთიშე (ზასკარიშ ქჷნდჷრი) 3255 მეტრაშ სიმაღალას.
ჯამუნა
| |
|---|---|
| यमुना | |
 ტაჯ-მაჰალი ჯამუნაშ წყარპიჯის | |
| დოხასიათაფა | |
| სიგჷრძა | 1376 კმ |
| ღანჩოშ ფართობი | 351000 კმ² |
| წყარიშ ხარჯი | 3480 მ³/წმ |
| წყარიშ ნადუ | |
| ოდუდე | ჯიშთი იამუნოტრი |
| • ორენი | ჰიმალაიშ გვალეფი |
| • სიმაღალა | 3255 მ |
| • კოორდინატეფი |
/ |
| აკაკათაფუ | წყარმალუ განგი |
| • ორენი | ნოღა ალაჰაბადი |
| • კოორდინატეფი |
/ / |
| ინაკათუ | განგი |
| იდვალუაფუ | |
| ქიანეფი | ინდოეთი |
| რეგიონი | ჰარიანა, უტარ-პრადეში, უტარაკჰანდი |
| ნოღეფი | დელი, მატჰურა, აგრა, ჯამნანაგარი, ალაჰაბადი |
| ჯამუნა ვიკიოწკარუეს | |
მეურსს ინდოეთიშ ჰარიანაშ დო უტარ-პრადეშიშ შტატეფიშ ტერიტორიას, თაშნეშე ქიანაშ ნანანოღა დელის. დელიშ მოხ, წყარმალუ ჯამუნას იდვალუაფუ ნოღეფი: მატჰურა დო აგრა. ნოღა ჯამნანაგარწკჷმა წყარმალუ მიშმურთანს ობჟათეშე, გჷშმურს ინდ-განგიშ რზენს დო ნოღა ალაჰაბადწკჷმა დინმურს განგიშა, აკმოქიმინჷნს ინდუისტეფშო წიმინდე სანგამს.
წყარმალუშ ღანჩოშ ფართობი 351 000 კმ². ჯამუნაშ თარი ნოჸელეფი რე ტონსი, ჩამბალი, ბეტვა, სინგჰი დო კენი.
წყარმალუშ ნადუშე 5 კმ.-ს, იდვალუაფუ ინდუისტეფშო გჷთახვამალი აკანი, დოხორელი პუნქტი კალსი ბუდისტური ოხიდათ დო ჯამუნოტრი, სოდეთ იდვალუაფუ ჩხე წყარიშ წყუ (90 °C) დო საფულე.