ჯეიკ ჯილენჰოლი
ჯეიკობ ბენჯამინ "ჯეიკ" ჯილენჰოლი (Jacob Benjamin "Jake" Gyllenhaal; დ. 19 ქირსეთუთა, 1980) — ამერიკალი არტისტი. რეჟისორი სტივენ ჯილენჰოლიშ დო სცენარისტი ნაომი ფონერიშ ქომოლსქუა.
| ჯეიკ ჯილენჰოლი | |
 | |
| დაბადებაშ ჯოხო | ჯეიკობ ბენჯამინ ჯილენჰოლი |
| დაბადებაშ აბანი | ლოს-ანჯელესი, ააშ |
| დებადჷ | 19 ქირსეთუთა, 1980 |
| საქვარუა | არტისტი |
| აკოქიმინჯალაშ წანეფი | 1991-ასეშა |
| BAFTA ჯილდოეფი | |
|---|---|
| BAFTA | |
ბიოგრაფია
რედაქტირაფათიში მაართა შანულამი როლი კინოფილმის 2001 წანას ოკულტე ჰიტი „დონი დარკო“ რდჷ, ნამუსჷთ თიქი ფსიქოლოგიური პრობლემეფით ხარგელი მარდუშ როლი ილაჸაფჷ. 2004 წანაშ დენის ქუეიდწკჷმა ართო ილაჸაფჷ ბლოკბასტერს „გეღანი“, ნამუსჷთ კატასტროფული გლობალური გონქირაფაშ პერიოდის სტუდენტიშ როლი ასახიერჷ.
კარიერა
რედაქტირაფამელენ დღარი არტიტის ფილმეფი და როლეფიშ ლაჸაფი დუდშეშე მიკიჭოფანდჷ. მართალი რე, მასქერეფს ვაკოდეს სქუაქ არტისტიქ იჸუკონ, მორო ჯეიკიშო თე პროფესია ღანკო გინირთჷ დო თიში პერსონაჟეფით მაჯინეეფს დუდი მაეჩა უკუნიშ ბოლო წანეფს გაჩინებაფჷ. 2000-იანი წანეფშე ჭიი-ჭიეთ, ფილმეფს მაართა ნობიჯგეფიშ უკულჷ, თიქ ედომუშამ მოსოფელს ჩინებული ჰოლივუდარი არტისტო გინირთჷ. ფილმეფს გჷშარჩქინაქ თის შარა თეატრალური ოქიანუჸურე ხოლო გუნწყჷ დო 2004 წანას მუსხირენ როლი ლონდონიშ თეატრის ხოლო ილაჸაფჷ. თიშ კარიერაშ გიშნაგორა ეულა დო მოსოფლიშ მაჯინეეფშო თიში გოჩინებაფა გიშეწვჷ 2005 წანას გინოღალირ ფილმიქ „პუხუამი გვალა, ნამუსჷთ თიქ თარი როლი ჰით ლეჯერწკჷმა ართო ილაჸაფჷ. ათე ფილმიქ, ნამუქჷთ ჟირხოლო არტისტის დიდი პოპულარალა მოუღჷნ, ჯილენჰოლი ლაჸაფენს ჯეკ ტვისტიშ, გეი კოვბოიშ როლს. არტისტშო ხოლო ძამი წჷმოძინელქ იჸუ ფილმეფქ: „გეღანი“ (2004), „ჯალეფი“ (2013), „სერიშ ქვერქვენწი“ (2014), „ევერესტი“ (2015), „აკორღვაფა“ (2016) დო „რინა“ (2017), ბორბოლია კოჩი:ჸუდეშე შორს (2019). კარიერულ წჷმოძინაქ თიშ ფინანსურ ამბეს ხოლო გიოდოხოდჷ, კერზოთ, ჟურნალ People-იშ ნარაგადუთჷ ჯილენჰოლი ჰოლივუდიშ მაღალ გინაგაფალი არტისტეფს შქას ართ-ართი მაართა რე დო თიში საბანკე ანგარიში, 2017 წანაშ მუნაჩამეფით, 96 მილიონ ააშ დოლარს რე გამანგებული.
მუში დო საჯარო რინა
რედაქტირაფაუმკუჯინუო თიშ, ნამდა ჯილენჰოლს წანეფიშ გოძვენას ქიანაში რომანი უღუდუნჷ, ათეჟამო ხვალე რე. არტისტი ირო კამერეფი გოურენა დო თის ჩინებულ სახეეფწკჷმა ართო შხირო აფიქსირენა. თის სიხოლა უღუდჷ ხოლო ჰოლივუდარ არტისტი კირსტენ დანსტიწკჷმა დო მაბირე ტეილორ სვიფტწკჷმა. თის დარე ირიათო ჸუნდჷ დო ჸუნს მაჸალე ოსური, მორო უმკუჯინუო ათეშ, თინა დაგურგინაფილი დღას ვაჸოფე დო დიო-დიო ვართ სქუალეფი ჸუნს. ჯილენჰოლი უმოსო ბორჯის პროფესიას უყურენს დო ახერხენს, ნამდა ირ წანას ფილმეფს მინიმუმ ჟირ ახალ სახეს ორთჷ. პროფესიაშ მეტი არტისტი ხოლო დაინტერესაფილი რე პოლიტიკითათ.
ფილმოგრაფია
რედაქტირაფა| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 2001 | ფ | დონი დარკო | Donnie Darko | დონი დარკო |
| 2004 | ფ | გეღანი | The Day After Tomorrow | სემ ჰოლი |
| 2005 | ფ | პუხუამი გვალა | Brokeback Mountain | ჯეკ ტვისტი |
| 2007 | ფ | მორსკულა | Zodiac | რობერტ გრეისმიტი |
| 2010 | ფ | ჸოროფა დო შხვა წამალეფი | Love and Other Drugs | ჯეიმი რენდალი |
| 2013 | ფ | ჯალეფი | Prisoners | დეტექტივი ლოკი |
| 2013 | ფ | ნტერი | Enemy | ადამი/ენტონი |
| 2014 | ფ | სერიშ თუდომალი | Nightcrawler | ლუის ბლუმი |
| 2015 | ფ | მეკვარჩანე | Southpaw | ბილი ჰოუპი |
| 2015 | ფ | ევერესტი | Everest | სკოტ ფიშერი |
| 2019 | ფ | ბორბოლია კოჩი:ჸუდეშე შორს | Spider-Man: Far From Home | მისტერიო |
რესურსეფი ინტერნეტის
რედაქტირაფა
- ჯეიკ ჯილენჰოლი — კინოფილმეფიშ ინტერნეტ მუნაჩემეფიშ ბაზას (ინგლისური)