ჯვეში საბერძნეთი

ჯვეში საბერძნეთი, ელადა (ბერძენ. Hellas), ჯვეში ბერძენული სახენწჷფოეფიშ საართო ჯოხოდვალა. იკათუანდჷ ბალკანეთიშ ჩქონიშ ობჟaთეს, ეგეოსიშ ზუღაშ კოკეფს, თრაკიაშ წყარპიჯის, მორჩილ აზიაშ ბჟადალი წყარპიჯი ღოზის დო ბერძენული კოლონიზაციაშ პერიოდის (ჯვ. წ. VIII-V ოო.) დორსხუაფილი კოლონიეფიშ ობჟათე იტალიაშ, ბჟაეიოლ სიცილიაშ, ობჟათე საფრანგეთიშ ტერიტორიეფს, აფრიაშ ორუე წყარპიჯის (კირენაიკა), უჩა ზუღაშ დო აზოვიშ ზუღაშ საროტეფს დო წყარპიჯეფს.

მიოწურუანს პერიოდის ბერძენულ ისტორიას კლასიკურ ანტიკურ ხანას, ნამუთ იგჷნძორებუდჷ დოხოლ. ჯვ. წ. 750-შე (არქაული პერიოდი) ჯვ. წ. 146 წანაშახ (რომიშით დოჸუნალაშახ). თე პერიოდი კულტურაშ ქუაკუნთხუთ რე მერჩქინელი, ნამუქჷთ ოსხირი გუჭყჷ ბჟადალიშ ცივილიზაციას. ბერძენულ კულტურას ნძალიერი გოლინა უღუდჷ რომიშ იმპერიაშა, ნამუქჷთ თე კულტურაშ ვერსია ევროპაშ მიარე შხვა ნორთის გოფაჩჷ.

ჯვეში ბერძენეფიშ ცივილიზაცია უშანულამაში რდჷ ნინაშ, პოლიტიკაშ, გონათუაშ სისტემეფიშ, ფილოსოფიაშ, მენცარობაშ დო ხელუანობაშჸურე დო თიქ დუდი გუჭყჷ რენესანსის ბჟადალ ევროპას, ნამუთ დუდს ირჩქინანდჷ XVIII დო XIX ოშწანურეფიშ ნეოკლასიკური ეჸონუაშ პერიოდეფს ხოლო ცენტრალურ ევროპას დო ამერიკას.

თაშნეშე ქოძირით

მაკედონია (ჯვეში)

ლიტერატურა

Goodrich, S. G. (1849). A pictorial history of Greece: Ancient and modern. New York: Huntington & Savage
ძველი საბერძნეთის ისტორია : (ლექციების მოკლე კურსი) რედ: რუსუდან დაუშვილი].თბ.2004 წ.

რესურსეფი ინტერნეტის

თე სტატია ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.