ჯოზეფ უილიამ კენედი

ამერიკალი ქიმიკოსი

ჯოზეფ უილიამ კენედი (ინგლ. Joseph William Kennedy; დ. 30 მესი, 1916, ნაკოდოჩესი, ტეხასი, ააშ — ღ. 5 მესი, 1957, სენტ-ლუისი, მისური, ააშ) — ამერიკალი ქიმიკოსი. ჯოზეფ კენედიქ, გლენ თეოდორ სიბორგიქ, ედუინ მატისონ მაკ-მილანიქ დო ართურ ვალიქ 1940-1941 წანეფს აკეთეს ქიმიური ელემენტი პლუტონიუმიშ იზოლაცია. კენედი გურაფულენდჷ სტივენ ფ. ოსტინიშ უნივერსიტეტის, უკულ კანზასიშ უნივერსიტეტის დო უკულ კალიფორნიაშ უნივერსიტეტის (ბერკლი), სოდეთ თხილუ ოდოქტორე დისერტაცია. გურაფაშ თებაშ უკულ კენედი რდჷ მანჰეტენიშ პროექტიშ მაკათური დო მუშენდჷ ლოს-ალამოსიშ ერუანულ ლაბორატორიას, სოდეთ პლუტონიუმიშ დო ურანიუმიშ ქიმიას ირკვიენდჷ. მაჟირა მოსოფელიშ ლჷმაშ თებაშ უკულ რდჷ ვაშინგტონიშ უნივერსიტეტიშ (სენტ-ლუისი) პროფესორი. ჯოზეფ უილიამ კენედიქ ღურუ 1957 წანაშ 5 მესის, კუჭიშ კიბოთ. ვაშინგტონიშ უნივერსიტეტის რე დორსხუაფილი კენედიშ ჯოხონობაშ ლექციაშ პრემია.

ჯოზეფ უილიამ კენედი
ინგლ. Joseph William Kennedy
Joseph W. Kennedy Los Alamos ID.png
დაბადებაშ თარიღი:

30 მესი, 1916

დაბადებაშ აბანი:

ნაკოდოჩესი, ტეხასი, ააშ

ღურაშ თარიღი:

მესი 5, 1957 (40 წანერი)

ღურაშ აბანი:

სენტ-ლუისი, მისური, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ქიმია

სამუშაშ აბანი :

ლოს-ალამოსიშ ერუანული ლაბორატორია
ვაშინგტონიშ უნივერსიტეტი (სენტ-ლუისი)

ალმა-მატერი:

კალიფორნიაშ უნივერსიტეტი (ბერკლი)
კანზასიშ უნივერსიტეტი
სტივენ ფ. ოსტინიშ უნივერსიტეტი

ომენცარე ხემანჯღვერი:

ჯორჯ ერნესტ გიბსონი

ჯილდოეფი დო პრემიეფი:

Medal for Merit (1946)

რესურსეფი ინტერნეტისრედაქტირაფა