ჯონ ბარდინი
ჯონ ბარდინი (ინგლ. John Bardeen; დ. 23 მესი, 1908, მადისონი, ვისკონსინი, ააშ — ღ. 30 ღურთუთა, 1991, ბოსტონი, მასაჩუსეტსი, ააშ) — ამერიკალი ფიზიკოსი დო ინჟინერი. ბარდინი რე ხვალე ართი მენცარი, ნამუსჷთ გინოჩეს ნობელიშ პრემია ფიზიკაშ დარგის ჟირშა: მაართაშა 1954 წანას, ტრანზისტორიშ გიმოგონებაშ გეშა (უილიამ ბრედფორდ შოკლი დო უოლტერ ბრატენიწკჷმა ართო) დო მაჟიაშა 1972 წანას, სუპერგამტარობაშ თეორიაშ - ბკშ თეორიაშ გოვითარაფაშ გეშა (ლეონ კუპერი დო ჯონ რობერტ შრიფერიწკჷმა ართო). ტრანზისტორიშ გიმოგონება რდჷ რევოლუციური ელექტრო-ინდუსტრიას, ტრანზისტორიშ გიმოგონებაქ შელებუ ელექტრონული ტექნოლოგიაშ გოვითარაფა. სუპერგამტარობაშ ფიზიკას რე გერსხილი გვირზილურ-ჭაჭმენტური რეზონანსი დო ჭაჭმენტურ-რეზონანსული ტომოგრაფია, ნამუთ გიმირინუაფჷ ასეიან მედიცინას. ჯონ ბარდინი გურაფულენდჷ ვისკონსინიშ უნივერსიტეტის (მადისონი), სოდეთ მიპალუ მენცარობაშ ბაკალავრიშ ხარისხი ელექტრო-ინჟინერიას, 1928 წანას. 1929 წანას მიპალუ მაგისტრიშ ხარისხი. ბარდინქ ოდოქტორე დისერტაცია თხილუ პრინსტონიშ უნივერსიტეტის იუჯინ ვიგნერიშ ხემანჯღვერობათ, 1936 წანას. გურაფაშ თებაშ უკულ მონაწილენდჷ მაჟირა მოსოფელიშ ლჷმას. ლჷმაშ თებაშ უკულ ჯონ ბარდინი მუშენდჷ ბელიშ ლაბორატორიას დო უკულ ილინოისიშ უნივერსიტეტის (ურბანა-შამპეინი) პროფესორო. ჯონ ბარდინქ ღურუ 1991 წანაშ 30 ღურთუთას, 82 წანერქ. ნთხორილი რე მადისონიშ ფორესტ-ჰილიშ სასაფლას.
| ჯონ ბარდინი | |
| ინგლ. John Bardeen | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ღურთუთა 30, 1991 (82 წანერი) |
| ღურაშ აბანი: |
ბოსტონი, მასაჩუსეტსი, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჩინებული რე მუჭოთ: |
ტრანზისტორიშ გჷმაგონებელი |
| ჯილდოეფი დო პრემიეფი: |
სტიუარტ ბალანტაინიშ მენდალი (1952) |
ლიტერატურა
რედაქტირაფა- Daitch & Hoddeson (2002). True Genius:: The Life and Science of John Bardeen. Joseph Henry Press.
რესურსეფი ინტერნეტის
რედაქტირაფა
- The Bardeen Archives at the University of Illinois at Urbana-Champaign
- Associated Press Obituary of John Bardeen as printed in The Boston Globe
- Oral History interview transcript with John Bardeen 12, 16 May, 1, 22 December 1977 & 4 April 1978, American Institute of Physics, Niels Bohr Library and Archives Archived 12 January 2015 ვებ-ხასჷლას Wayback Machine.
- Oral History interview transcript with John Bardeen 13 February 1980, American Institute of Physics, Niels Bohr Library and Archives Archived 9 October 2013 ვებ-ხასჷლას Wayback Machine.
- Interview with Bardeen about his experience at Princeton