ჯონ ჯეიმზ რიკარდ მაკლეოდი (ინგლ. John James Rickard Macleod; დ. 6 ეკენია, 1876, კლუნი, შოტლანდია — ღ. 16 მელახი, 1935, აბერდინი, შოტლანდია) — შოტლანდიარი ბიოქიმიკოსი დო ფიზიოლოგი, შანქარიშ დიაბეტიშ ინსულინით კურნალობაშ ართ-ართ დუმარსხუაფალი, ნობელიშ პრემიაშ ლაურეატი 1923 წანას, ფიზიოლოგიაშ დო მედიცინაშ დარგის (ფრედერიკ გრანტ ბანტინგიწკჷმა ართო). ბანტინგიშ ვერსიათ, ინსულინიშ მეღებაშ პროცესის, მაკლეოდიშ როლი მიზერული რდჷ. მაკლეოდი გურაფულენდჷ აბერდინიშ უნივერსიტეტიშ მედიცინაშ ფაკულტეტის დო ლაიფციგიშ უნივერსიტეტის. გურაფაშ თებაშ უკულ მუშენდჷ ლონდონიშ ჰოსპიტალიშ მედიცინაშ სკოლას. 1903 წანას გინორთჷ ამერიკაშა დო მუშობა ქიდიჭყჷ ბჟადალიშ ორეზერვე უნივერსიტეტის (ასეიან კეიზიშ ბჟადალი ორეზერვე უნივერსიტეტი) ლექტორო. მაართა მოსოფელიშ ლჷმაშ უკულიან წანეფს მუშენდჷ ტორონტოშ უნივერსიტეტის, სოდეთ რდჷ ფიზიოლოგიაშ ლაბორატორიაშ დირექტორი. ტორონტოს გეჩინებაფუ ბანტინგი დო ჩარლზ ჰერბერტ ბესტი. თენეფიშ ექსპერიმენტეფქ შელებუ ინსულინიშ მეღება დო დიაბეტიშ ინსულინით კურნალობაშ დოჭყაფა. მაკლეოდი რდჷ კანადაშ ომაფე საზოგადოებაშ, ლონდონიშ ომაფე საზოგადოებაშ მაკათური დო ამერიკაშ ფიზიოლოგეფიშ საზოგადოებაშ პრეზიდენტი

ჯონ ჯეიმზ რიკარდ მაკლეოდი
ინგლ. John James Rickard Macleod
J.J.R. Macleod ca. 1928.png
დაბადებაშ თარიღი:

6 ეკენია, 1876

დაბადებაშ აბანი:

კლუნი, შოტლანდია

ღურაშ თარიღი:

მელახი 16, 1935 (58 წანერი)

ღურაშ აბანი:

აბერდინი, შოტლანდია

მენოღალობა:

გოართოიანაფილი ომაფეშ შილა გოართოიანაფილი ომაფე

ომენცარე სფერო:

ფიზიოლოგია

სამუშაშ აბანი :

ტორონტოშ უნივერსიტეტი
ლაიფციგიშ უნივერსიტეტი

ალმა-მატერი:

აბერდინიშ უნივერსიტეტი

ჩინებული რე მუჭოთ:

შანქარიშ დიაბეტიშ ინსულინით კურნალობაშ ართ-ართ დუმარსხუაფალი

ჯილდოეფი დო პრემიეფი:

ნობელიშ პრემია ფიზიოლოგიას დო მედიცინას (1923)
კამერონიშ პრემია (1923)

რესურსეფი ინტერნეტისრედაქტირაფა

ვიკიოწკარუეს? რე ხასჷლა თემაშენ: