ჯოშუა ლედერბერგი
ჯოშუა ლედერბერგი (ინგლ. Joshua Lederberg; დ. 23 მესი, 1925, მონტკლერი, ნიუ-ჯერსი, ააშ — ღ. 2 ფურთუთა, 2008, ნიუ-იორკი, ააშ) — ამერიკალი მოლეკულური ბიოლოგი, ბაქტერიული კონიუგაციაშ მენცარული რკვიებაშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1958 წანას. ლედერბერგიქ პრემია მიპალუ ედუარდ ტეიტემი დო ჯორჯ ბიდლიწკჷმა ართო. ბიოლოგიური რკვიებეფიშ გარდა, ჯოშუა ლედერბერგიქ მიშეღჷ დიდი მენცარული კონტრიბუცია ხელუანური ინტელექტიშ რკვიებაშა დო გოვითარაფაშა. ლედერბერგი რდჷ ნასაშ ექსპერიმენტული მისიეფიშ მაკათური-მენცარი ხოლო.
| ჯოშუა ლედერბერგი | |
| ინგლ. Joshua Lederberg | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 2, 2008 (82 წანერი) |
| ღურაშ აბანი: |
ნიუ-იორკი, ააშ |
| მენოღალობა: | |
| ომენცარე სფერო: | |
| სამუშაშ აბანი : |
ვისკონსინიშ უნივერსიტეტი (მადისონი) |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ნობელიშ პრემია ფიზიოლოგიაშ დო მედიცინაშ დარგის (1958) |
ჯოშუა ლედერბერგი გურაფულენდჷ ზოოლოგიას კოლუმბიაშ უნივერსიტეტის. უკულ გურაფა გაგინძორჷ იელიშ უნივერსიტეტის ედუარდ ტეიტემიშ ხემანჯღვერობათ, სოდეთ 1947 წანას თხილუ ოდოქტორე დისერტაცია. გურაფაშ თებაშ უკულ ლედერბერგი მუშენდჷ შხვადოშხვა ომენცარე ინსტიტუტეფს. რდჷ ვისკონსინიშ უნივერსიტეტიშ (მადისონი) გენეტიკაშ პროფესორი. 1957 წანას ლედერბერგიქ ვისკონსინიშ უნივერსიტეტის დარსხუ გენეტიკური მედიცინაშ დეპარტამენტი. ვისკონსინიშ უნივერსიტეტიშ უკულ ლედერბერგი მუშენდჷ კალიფორნიაშ უნივერსიტეტის (ბერკლი), ბაქტერიოლოგიაშ პროფესორო. ართ პერიოდის (1957 წ.) ლედერბერგიქ იმუშუ მელბურნიშ უნივერსიტეტის ხოლო. 1958 წანას ლედერბერგიქ ომუშებუშა გეგნორთჷ სტენფორდიშ უნივერსიტეტიშა, სოდეთ რდჷ გენეტიკაშ დეპარტამენტიშ დუმარსხუაფალი დო დირექტორი. 1960-იან წანეფს ლედერბერგი რდჷ ხელუანური ინტელექტიშ პროგრამაშ Dendral-იშ ართ-ართი დუმარსხუაფალი. 1978-1990 წანეფს ლედერბერგი რდჷ როკფელერიშ უნივერსიტეტიშ პრეზიდენტი. 1990 წანაშე ლედერბერგი რდჷ როკფელერიშ უნივერსიტეტიშ პროფესორი-ემერიტუსი.
რესურსეფი ინტერნეტის
რედაქტირაფა- Joshua Lederberg Papers (1904–2008) - National Library of Medicine finding aid
- The Joshua Lederberg Papers - Profiles in Science, National Library of Medicine
- In Memoriam: Joshua Lederberg (1925–2008)
- National Academy of Sciences Biographical Memoir