ჰაინრიხ ვილჰელმ მათიას ოლბერსი
ჰაინრიხ ვილჰელმ მათიას ოლბერსი (გერმ. Heinrich Wilhelm Matthias Olbers; დ. 11 გჷმათუთა, 1758, არბერგენი, საღორონთო რომიშ იმპერია — ღ. 2 მელახი, 1840, ბრემენი, გერმანიაშ კონფედერაცია) — გერმანალი მედიკოსი, ასტრონომი დო ფიზიკოსი.
| ჰაინრიხ ვილჰელმ მათიას ოლბერსი | |
| გერმ. Heinrich Wilhelm Matthias Olbers | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 2, 1840 (81 წანერი) |
| ღურაშ აბანი: |
ბრემენი, გერმანიაშ კონფედერაცია |
| მენოღალობა: | |
| ომენცარე სფერო: | |
| ალმა-მატერი: | |
| ჯილდოეფი დო პრემიეფი: |
ლალანდიშ პრემია (1803) |
ჰაინრიხ ოლბერსი გურაფულენდჷ მედიცინას გეტინგენიშ უნივერსიტეტის. გურაფაშ თებაშ უკული მუშენდჷ ექიმო ბრემენს. სტუდენტობაშ წანეფიშე ოლბერსიქ ასტრონომიათ დეინტერესჷ, მუში ჸუდეს ობსერვატორია მანწყუ დო დიჭყჷ ასტრონომიული რკვიებეფი. 1802 წანაშ 28 მელახის ოლბერსიქ მიოგორუ ასტეროიდის, ნამუსჷთ თიქ 2 პალასი ქიგიოდუ. ხუთი წანაშ უკული, 1807 წანაშ 29 მელახის ოლბერსიქ მიოგორუ ასტეროიდის 4 ვესტას (ნამუსჷთ ჯოხო გიოდჷ კარლ ფრიდრიხ გაუსიქ).
ჰაინრიხ ვილჰელმ მათიას ოლბერსიქ წჷმარინუ ასტეროიდეფიშ ორტყაფუშ გოჭყაფაშ ვერსია. ჸათე ვერსიათ ასტეროიდეფიშ ორტყაფუ რდჷ ართ-ართი პლანეტაშ აკორღვაფაშ უკულიანი ნოსქილედი.
1815 წანაშ 6 მელახის ოლბერსიქ მიოგორუ პერიოდული კომეტას, ნამუთ ასე ოლბერსიშ ჯოხონობაშ რე. თაშნეშე, ოლბერსიშ ჯოხონობაშ რე რუმე სერიშ ცაშ პარადოქსი.
ჰაინრიხ ოლბერსი რდჷ ლონდონიშ ომაფე ჯარალუაშ, საფრანგეთიშ მენცარობეფიშ აკადემიაშ, ამერიკაშ ხელუანობეფიშ დო მენცარობეფიშ აკადემიაშ დო შვედეთიშ მენცარობეფიშ ომაფე აკადემიაშ მაკათური.
ლიტერატურა
რედაქტირაფა- ჰაინრიხ ოლბერსი ენციკლოპედია ბრიტანიკას
- Lynn, W. T. (1907). „The Discovery of Vesta“. The Observatory 30: ხს. 103–105.