ჰაირამ ბინგემი
ჰაირამ ბინგემი (ინგლ. Hiram Bingham; დ. 19 გერგობათუთა, 1875, ჰონოლულუ, ჰავაი — ღ. 6 მანგი, 1956, ვაშინგტონი, ააშ) — ამერიკალი მენცარი, არქეოლოგი დო პოლიტიკოსი, მიოგორუ ინკეფიშ დინაფილი ნოღა მაჩუ-პიქჩუს.
| ჰაირამ ბინგემი | |
| ინგლ. Hiram Bingham | |
_LCCN2016839105_(3x4a).jpg) ჰაირამ ბინგემი 1925 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მანგი 6, 1956 (80 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
პრინსთონიშ უნივერსიტეტი |
| ალმა-მატერი: |
იელიშ უნივერსიტეტი |
ჰაირამ ბინგემიქ დებადჷ ჰავაის, პროტესტანტი მისიონერეფიშ ფანიას. გურაფულენდჷ ოაჰუშ კოლეჯის. უკულ ამერიკაშა გეგნორთჷ, სოდეთ გურაფა გაგინძორჷ მასაჩუსეტსიშ ფილიპსიშ აკადემიას. 1898 წანას ბინგემიქ მიპალუ ბაკალავრიშ ხარისხი იელიშ უნივერსიტეტის. ართი პერიოდის იგურუ კალიფორნიაშ უნივერსიტეტის ხოლო. ჸათაქ თინა დაინტერესებული რდჷ ლათინური ამერიკაშ ისტორიათ. ბინგემიქ ოდოქტორე დისერტაცია თხილუ 1905 წანას, ჰარვარდიშ უნივერსიტეტის.
გურაფაშ თებაშ უკული, ბინგემი მუშენდჷ ჰარვარდიშ უნივერსიტეტის, სოდეთ ისტორიას დო პოლიტიკას ოგურუანდჷ. თაშნეშე მუშენდჷ პრინსთონიშ დო იელიშ უნივერსიტეტეფს.
ჰაირამ ბინგემი ხემანჯღვერენდჷ შხვადოშხვა არქეოლოგიურ ექსპედიციეფს ლათინურ ამერიკას. ართ-ართი ჸათეცალი ექსპედიციაშ ბორჯის ბინგემიქ 1911 წანას, მიოგორუ მაჩუ-პიქჩუშ აკნაცჷმეფს.
ჰაირამ ბინგემი ოკათუდჷ ააშ-იშ არმიას, რდჷ ავიატორი დო უღუდჷ კაპიტანიშ ჩინი.
მუჭოთ რესპუბლიკური პარტიაშ მაკათური ბინგემი რდჷ კონექტიკუტიშ შტატიშ გუბერნატორი (ხვალე ართი დღას, 1925 წანაშ 7-8 ღურთუთა) დო ააშ-იშ სენატორი 1925-1933 წანეფს.
ჰაირამ ბინგემიქ ღურუ 1956 წანაშ 6 მანგის, 80 წანერქ. დასაფულებური რე არლინგტონის ერუანულ სასაფლას, ვირჯინიას.
რესურსეფი ინტერნეტის
რედაქტირაფა- ჰაირამ ბინგემი ენციკლოპედია ბრიტანიკას
- ბინგემიშ ნახანდეფი პროექტი გუტენბერგის
- ბინგემიშ ნახანდეფი LibriVox-ის
- ბინგემიშ ნახანდეფი Google Books-ის