ჰანს იენსენი
იოჰანეს ჰანს დანიელ იენსენი (გერმ. Johannes Hans Daniel Jensen; დ. 25 მანგი, 1907 — ღ. 11 ფურთუთა, 1973) — გერმანალი ფიზიკოსი. გურაფულენდჷ ფრაიბურგიშ დო ჰამბურგიშ უნივერსიტეტეფს. ოდოქტორე დისერტაცია თხილუ 1932 წანას ვილჰელმ ლენციშ ხემანჯღვერობათ. მაჟირა მოსოფელიშ ლჷმაშ ბორჯის ოკათუდჷ გერმანული გვირზილური პროგრამას დო ირკვიენდჷ ურანიშ იზოტოპეფიშ დოხუალას (სეპარაცია). ლჷმაშ თებაშ უკულ, მუშენდჷ ჰაიდელბერგიშ უნივერსიტეტის. იენსენი შხვადოშხვა ბორჯის მოღალენდჷ კალიფორნიაშ უნივერსიტეტის (ბერკლი), ინდიანაშ უნივერსიტეტის, პერსპექტიული რკვიებეფიშ ინსტიტუტის დო კალიფორნიაშ ტექნოლოგიაშ ინსტიტუტის.
| ჰანს იენსენი | |
| გერმ. Hans Jensen | |
.jpg) იენსენი 1963 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 11, 1973 (65 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ნობელიშ პრემია ფიზიკას (1963) |
1949 წანას, იენსენიქ, მარია გეპერტ-მაიერიშე ზოხორინელო, წჷმარინუ გვირზილური დაცხიშ მოდელი (Nuclear shell model), ნამუშ გეშათ მიაჩჷ ნობელიშ პრემიაქ ფიზიკას, გეპერტ-მაიერიწკჷმა ართო. იენსენი რე ავტორი შანულამი ოხემანჯღვერეშ "გვირზილური დაცხიშ სტრუქტურაშ ელემენტარული თეორია", ნამუთ 1955 წანას გჷმაბჟინუ.