ჰენრიხ ანტონ დე ბარი
ჰენრიხ ანტონ დე ბარი (გერმ. Heinrich Anton de Bary; დ. 26 ღურთუთა, 1831, მაინიშ ფრანკფურტი, გერმანიაშ კონფედერაცია — ღ. 19 ღურთუთა, 1888, სტრასბური, გერმანიაშ იმპერია) — გერმანალი ბოტანიკოსი, მიკრობიოლოგი, მიკოლოგი დო ქირურგი.
| ჰენრიხ ანტონ დე ბარი | |
| გერმ. Heinrich Anton de Bary | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ღურთუთა 19, 1888 (56 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ტიუბინგენიშ უნივერსიტეტი |
| ალმა-მატერი: |
მარბურგიშ უნივერსიტეტი |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ლონდონიშ ომაფე ჯარალუაშ მაკათური (1884) |
ბიოგრაფია დო მენცარული რკვიებეფი
რედაქტირაფაჰენრიხ ანტონ დე ბარიქ დებადჷ 1831 წანაშ 26 ღურთუთას, მაინიშ ფრანკფურტის. გურაფულენდჷ მედიცინას ჰაიდელბერგიშ უნივერსიტეტის. უკულ გურაფა გაგინძორჷ მარბურგიშ დო ბერლინიშ უნივერსიტეტეფს. გურაფაშ თებაშ უკული ბოტანიკათ დეინტერესჷ. დე ბარიქ მიპალუ პრივატდოცენტიშ ხარისხი ბოტანიკას, ტიუბინგენიშ უნივერსიტეტის. ართ პერიოდის დე ბარი რდჷ ტიუბინგენიშ უნივერსიტეტიშ ბოტანიკაშ პროფესორიშ ჰუგო ფონ მოლიშ ასისტენტი. დე ბარიქ 1855 წანას ომუშებუშა გინილჷ ფრაიბურგიშ უნივერსიტეტიშა, სოდეთ თიქ დარსხუ ბოტანიკური ლაბორატორია. 1867 წანას დე ბარიქ გეგნორთჷ მარტინ ლუთერიშ უნივერსიტეტიშა დო გინირთჷ ბოტანიკური ჟურნალიშ Botanische Zeitung-იშ რედაქტორო. საფრანგეთ-პრუსიაშ ლჷმაშ (1870–1871) უკულ დე ბარიქ სტრასბურიშა მიდართჷ დო მუშობა ქიდიჭყჷ სტრასბურიშ უნივერსიტეტის, ბოტანიკაშ პროფესორო.
ჰენრიხ ანტონ დე ბარიქ გიმირკვიუ სოკოეფი, წყარჩანარეფი. ეჭარჷ სოკოეფიშ სექსუალური ციკლეფი, გიმირკვიუ შხვადოშხვა ჩანარეფიშ ლახარეფი. ხვარებაშა მიშეღჷ ტერმინი სიმბიოზი. დე ბარი მერჩქინელი რე ფიტოპათოლოგიაშ მუმათ დო მიკოლოგიაშ ართ-ართ დუმარსხუაფალო. დე ბარი 1884 წანაშე რდჷ ლონდონიშ ომაფე ჯარალუაშ მაკათური. რე შხვადოშხვა მენცარული სტატიეფიშ დო პუბლიკაციეფიშ ავტორი.