ჰენრი დევულფ სმაიტი

ჰენრი დევულფ "ჰარი" სმაიტი (ინგლ. Henry DeWolf "Harry" Smyth; დ. 1 მესი, 1898, კლინტონი, ნიუ-იორკიშ შტატი, ააშ — ღ. 11 ეკენია, 1986, პრინსტონი, ნიუ-ჯერსი, ააშ) — ამერიკალი ფიზიკოსი დო დიპლომატი, მიშეღჷ დიდი თია ატომური ენერგეტიკაშ გოვითარაფაშა, რდჷ მანჰეტენიშ პროექტიშ, ამერიკაშ ატომური ენერგიაშ კომისიაშ მაკათური დო ამერიკაშ ელჩი ატომური ენერგიაშ საირქიანო სააგენტოს. ჰენრი სმაიტი გურაფულენდჷ პრინსტონიშ უნივერსიტეტის დო უკულ კემბრიჯიშ უნივერსიტეტიშ გონვილ-ენდ-კიზიშ კოლეჯის. 1935-1949 წანეფს სმაიტი რდჷ პრინსტონიშ უნივერსიტეტიშ ფიზიკაშ დეპარტამენტიშ დირექტორი. სმაიტი დიო გაზეფიშ იონიზაციაშ პროცესეფს ირკვიენდჷ. ბირთვული ფიზიკათ 1930-იან წანეფს დეინტერესჷ. მაჟირა მოსოფელიშ ლჷმაშ ბორჯის ჰენრი სმაიტი მუშენდჷ მანჰეტენიშ პროექტიშ კონსულტანტო. პროექტიშ თებაშ უკულ სმაიტიქ ჭარუ მანჰეტენიშ პროექტიშ ოფიციალური ისტორია, ნამუსჷთ სმაიტიშ რეპორტის უძახუნა.

ჰენრი დევულფ სმაიტი
ინგლ. Henry DeWolf Smyth
Henry DeWolf Smyth old.jpg
დაბადებაშ თარიღი:

1 მესი, 1898

დაბადებაშ აბანი:

კლინტონი, ნიუ-იორკიშ შტატი, ააშ

ღურაშ თარიღი:

ეკენია 11, 1986 (88 წანერი)

ღურაშ აბანი:

პრინსტონი, ნიუ-ჯერსი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ფიზიკა

სამუშაშ აბანი :

პრინსტონიშ უნივერსიტეტი
მანჰეტენიშ პროექტი

ალმა-მატერი:

პრინსტონიშ უნივერსიტეტი
გონვილ-ენდ-კიზიშ კოლეჯი

ომენცარე ხემანჯღვერი:

კარლ ტეილორ კომპტონი
ერნესტ რეზერფორდი

ჯოხოშინელი მოგურაფეეფი:

კენეტ ბეინბრიჯი
რაბი შერი

ჩინებული რე მუჭოთ:

სმაიტიშ რეპორტიშ ავტორი

ჯილდოეფი დო პრემიეფი:

Atoms for Peace Award (1968)
Nuclear Statesman Award (1972)

ლიტერატურარედაქტირაფა

  • Schwartz, Rebecca Press (September 2008). The Making of the History of the Atomic Bomb: Henry DeWolf Smyth and the Historiography of the Manhattan Project (Ph.D. thesis). Princeton University.

რესურსეფი ინტერნეტისრედაქტირაფა