კენეთ ბეინბრიჯი
კენეთ ტომპკინს ბეინბრიჯი (ინგლ. Kenneth Tompkins Bainbridge; დ. 27 კვირკვე, 1904, კუპერსტაუნი, ნიუ-იორკი, ააშ — ღ. 14 კვირკვე, 1996, ლექსინგტონი, მასაჩუსეტსი, ააშ) — ამერიკალი ფიზიკოსი. ბირთვული იზოტოპეფიშ მასაშ შხვადოშხვანერობაშ რკვიებეფით დანტკიცჷ ალბერტ აინშტაინიშ მასა-ენერგიაშ ექვივალენტობაშ კონცეფცია. ოკათუდჷ მანჰეტენიშ პროექტის დო ხემანჯღვერენდჷ ბირთვული ანჯარიშ გჷმოცადებას 1945 წანაშ 16 კვირკვეს. ბეინბრიჯი მოღალენდჷ ჰარვარდიშ უნივერსიტეტის, სოდეთ დაინტრესებული რდჷ ციკლოტრონეფით.
| კენეთ ბეინბრიჯი | |
| ინგლ. Kenneth Bainbridge | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 14, 1996 (91 წანერი) |
| ღურაშ აბანი: |
ლექსინგტონი, მასაჩუსეტსი, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
გუგენჰაიმიშ სტიპენდია (1933) |
| ხეშმოჭარუა: |
|
დებადჷ ნიუ-იორკიშ შტატიშ ნოღა კუპერსტაუნს. გურაფულენდჷ ელექტრონული ინჟინერიას მასაჩუსეტსიშ ტექნოლოგიაშ ინსტიტუტის. უკულ გურაფა გაგინძორჷ პრინსტონიშ უნივერსიტეტის, სოდეთ თხილუ ოდოქტორე დისერტაცია ფიზიკას 1929 წანას, ჰენრი დევულფ სმაიტიშ ხემანჯღვერობათ.
1933 წანას ბეინბრიჯიქ მიპალუ პრესტიჟული გუგენჰაიმიშ სტიპენდია დო მიდართჷ ბრიტანეთიშა, სოდეთ ართი პერიოდის მუშენდჷ კემბრიჯიშ უნივერსიტეტიშ კავენდიშიშ ლაბორატორიას ერნესტ რეზერფორდიშ ხემანჯღვერობათ. 1934 წანას ამერიკაშა დირთჷ დო ომენცარე კარიერა ჰარვარდიშ უნივერსიტეტის გაგინძორჷ. ჸათაქ თინა ხემანჯღვერენდჷ მასაშ სპექტოგრაფიშ დო ციკლოტრონიშ პროექტეფს.
მაჟირა მოსოფელიშ ლჷმაშ ბორჯის ბეინბრიჯი ოკათუდჷ მანჰეტენიშ პროექტის. ლჷმაშ თებაშ უკულ კინ ჰარვარდიშა დირთჷ. 1950-1954 წანეფს რდჷ უნივერსიტეტიშ ფიზიკაშ დეპარტამენტიშ დირექტორი. ღურუ 1996 წანაშ 14 კვირკვეს, 91 წანერქ. დასაფულებური რე მარტას-ვინიარდიშ სასაფლას.
რესურსეფი ინტერნეტის
რედაქტირაფა- კენეთ ბეინბრიჯი encyclopedia.com-ის
- კენეთ ბეინბრიჯი Atomicarchive.com-ის
- კენეთ ბეინბრიჯი ამერიკაშ ფიზიკაშ ინსტიტუტიშ ვებსაიტის
- კენეთ ბეინბრიჯიშ ციტატეფი
- ნეკროლოგი ნიუ-იორკ ტაიმსის
- ნეკროლოგი Physics Today-ის