ჰერმან შტაუდინგერი
ჰერმან შტაუდინგერი (გერმ. Hermann Staudinger; დ. 23 მელახი, 1881, ვორმსი, გერმანიაშ იმპერია — ღ. 8 ეკენია, 1965, ფრაიბურგი, გფრ) — გერმანალი ქიმიკოსი, აკეთჷ მაკრომოლეკულეფიშ არსებობაშ დემონსტრირება, ნამუსჷთ თინა პოლიმერეფს მითმიოჭარანდჷ. ჸათე მენცარული რკვიებაშ გეშა გინოჩეს ნობელიშ პრემია ქიმიაშ დარგის 1953 წანას. შტაუდინგერქ ძირუ დო დიგურუ კეტენეფი. გიმირკვიუ აზიდეფიშ ქიმიური რეაქცია ფოსფინი დო ორგანული ფოსფიტიწკჷმა, ნამუთ შტაუდინგერიშ ჯოხონობაშ რე. შტაუდინგერქ ლეოპოლდ რუჟიჩკაწკჷმა ართო გიმირკვიუ პირეტრინი I-შ დო II-შ მოლეკულური სტრუქტურა, ნამუსჷთ უკულ გიარსხუ პირეტროიდული ინსექტიციდეფიშ წარმებაშ გოვითარაფაქ 1960-იან დო 1970-იან წანეფს. ჰერმან შტაუდინგერი გურაფულენდჷ ქიმიას დარმშტადტიშ ტექნოლოგიურ უნივერსიტეტის დო მარტინ ლუთერიშ უნივერსიტეტის, სოდეთ 1903 წანას თხილუ ოდოქტორე დისერტაცია. გურაფაშ თებაშ უკულ მუშენდჷ დიო სტრასბურგიშ უნივერსიტეტის დო უკულ კარლსრუეშ ტექნოლოგიურ ინსტიტუტის. ჸათე ინსტიტუტის შტაუდინგერი რდჷ ლეოპოლდ რუჟიჩკაშ დო ტადეუშ რაიხშტაინიშ ომენცარე ხემანჯღვერი. 1912 წანას შტაუდინგერქ გეგნორთჷ ციურიხიშ ფედერალურ ტექნოლოგიეფიშ ინსტიტუტშა. 1926 წანაშე შტაუდინგერი რდჷ ფრაიბურგიშ უნივერსიტეტიშ ლექტორი.
| ჰერმან შტაუდინგერი | |
| გერმ. Hermann Staudinger | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 8, 1965 (84 წანერი) |
| ღურაშ აბანი: |
ფრაიბურგი, გფრ |
| მენოღალობა: | |
| ომენცარე სფერო: | |
| სამუშაშ აბანი : |
სტრასბურგიშ უნივერსიტეტი |
| ალმა-მატერი: |
დარმშტადტიშ ტექნოლოგიური უნივერსიტეტი |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ნობელიშ პრემია ქიმიას (1953) |
ლიტერატურა
რედაქტირაფა- Elfriede Husemann (Hrsg.): Staudinger-Festband. Hüthit, Heidelberg 1956.
- Paul Walden: Geschichte der organischen Chemie seit 1880, Springer, Berlin 1972.
რესურსეფი ინტერნეტის
რედაქტირაფა- ჰერმან შტაუდინგერი Nobelprize.org-ის
- Staudinger's Nobel Lecture Macromolecular Chemistry