Profusion — იტალიური პროგრესული როკ-ბუნა სიენაშე, დორსხუაფილი 2002 წანას. ბუნაშ მუსიკა ლეიბლ Progressive Promotion Records-იშ მოხვარათ იფაჩუ.

Profusion
Profusion-იშ გიშულა Crescendo Festival-ს, საფრანგეთი (21 მარაშინათუთა 2015).
Profusion-იშ გიშულა Crescendo Festival-ს, საფრანგეთი
(21 მარაშინათუთა 2015).
ბიოგრაფია
დაბადებაშ აბანისიენა, იტალია.
ჟანრ(ეფ)იპროგრესული როკი, ეკლეკტიკური როკი
ობირეში ხონარი{{{ობირეში ხონარი}}}
ლეიბლ(ეფ)იProg Rock Records, Progressive Promotion Records
ვებ-ხასჷლაprofusion.it
მაკათურეფი
ვლადიმერ სიჭინავა
ჯონათან კარადონა
ლუკა ლატინი
დავიდე პეპი
იური მაჩანტი

ბიოგრაფია რედაქტირაფა

ბუნაშ დორსხუაფა დო დემო-ალბომი (2001-2002) რედაქტირაფა

2001 წანას ერჩქინათ ქორთუქ ვლადიმერ სიჭინავაქ (გიოშქუმალარი მიოგამალეფი), ჯონათან კარადონაქ (კლავიშეფი) დო მარკო პიერიქ (ბასი) დარსხის Mardi Gras Experience. ტრიო 90-იანეფიშ ამერიკული პროგრესიული როკიშ ჟიმოქიმინჯალაშ თუდო რდჷ. 1 წანაშ უკული ბუნაქ ჯოხო დითირუ დო გინირთჷ Profusion-ო. მალას, ბუნას შხვა მაკათურეფქით გიაძინეს: გიტარისტი ალბერტო რიჯი დო ვოკალისტი ალესანდრო ბუცო. 2002 წანაშ დამორჩილს Profusion-ქ დემო ალბომშე Una Sera A Samperbuio დიჭყჷ მუშობა, ნამუში ინოჭარუაქჷთ თი წანაშ ქირსეთუთას მისურჷ.

ოკონცერტე მოღალობაშ დაჭყაფური დო One Piece Puzzle (2003—2006) რედაქტირაფა

დემო-ინნაჭარაშ თებაშე ხათეშე, ბუნაქ ახალი მოღეშ აკოქიმინუა დიჭყჷ, ნამუთი წოხოლენი ალბომიშე გინორთათ, იში გინაწონს რთული მუსიკალური კომპოზიციეფიშე აკმოდირთუდჷ. ათე ბორჯიშო Profusion კონცერტეფს ონწყუნდჷ დო ჯოხონობა მიპალუ Val D’Elsa-ს, სოდეთ ამდღარშა მეჸუნს მოღალობას. 2003 წანას ბუნაშ აკოდგინალუას ფაბიანო ბიაჯინიქ (ფლეიტა) გიაძინჷ დო ბუნაშ სიმურობაქ 70-იანი წანეფიშ პროგრესიული როკიშჸურე გევითარჷ. 2004 წანას ბუნაქ მაართა მოთებული ალბომიშ ინოჭარუა დიჭყჷ. ალბომიშ ინოჭარუაქ რთულქ იჸუ დო ბრელი ხანი მიკორინუ, თიშენ ნამდა მიარე პრობლემა ოხოლუდჷ, ათეშენ, One Piece Puzzle-იქ ხვალე 2006 წანას მიხუჯინუ.

ბუნაშ მაკათურეფიშ თირუა დო ოკონცერტე მოღალობაშ გაგინძორება (2007-2010) რედაქტირაფა

გინძეხანიში ინნაჭარათ გიშაჭანაფილი სტრესიშ გეშა, მარკო პიერისას დო ფაბიანო ბიაჯინის ბუნაქ დატებელქ აჸისჷ. თინეფიში ულაში უკული Profusion აკორღვაფაში პიჯის გერედჷ. საბედინეროთ, ლუკა კიამბი (ბასი) დო სარა პიანიჯანი (ფლეიტა, ვოკალი) თარი მაკათურობაში ირიათოიანი მაკათურეფიშ ამპლუას იჸუესჷ (One Piece Puzzle-იშ ინოჭარუას ალმახანდანდესჷ ბუნაწკჷმა), სტიმული მეჩჷ Profusion-იშ მუსიკალური გავითარებაშ ანწიანი ეტაპიშო დო ბუნაქ ახალი ალბომიშო დიჭყჷ ზადინი. თიმწკჷმა, Profusion-ქ ოკონცერტე მოღალობა გაახლჷ. თარი მლინათ გინირთჷ 2008 წანას Trimis International Festival-ს მოღალაქ, სოდეთი ბუნაქ 23-ა აკანი დეკინჷ 384 ევროპულ ბუნეფიშ შქას; MostRock Festival სიენას, სოდეთ 2009 წანაში 21 მანგის Profusion ართ სცენას გიშეშჷ პროგრესულ-მეტალ ბუნეფწკჷმა DGM  დო Vision Divine; დო La Citta Aromatica -შ მა-9 ფესტივალს გიშარჩქინდჷ, ნამუთი იტალიური პროგრესული როკიშ ლეგენდა დემეტრიო სტრატოსიშო რდჷ ნაძღვინუ. Profusion მარიო პაგანიწკჷმა (Premiata Forneria Marconi-შ ორიგინალური მაკათურობაშ მევიოლინე, ალმახანდანდჷ ხოლო ფაბრიციო დე ანდრესწკჷმა დო შხვა) ართო გიშართჷ. 2010 წანაშ დაჭყაფურს ბუნა ჩქინიში კონკურსი Megarock-იშ გომორძგვილქ იყუ. ფაბიანო ბიაჯინი ბუნაშ კანკალე კონცერტის მუჭოთ სესიური მუსიკოსი ოკათუდჷ. 2009 წანას სარა პიაჯიანიქ დიტუ ბუნა დო დიდ ბრიტანეთშა გინორთჷ ოხორუშა. თიში აკანი ირენე კონფორტიქ (ვოკალი) დეკინჷ. მალას ალბერტო რიჯიშ აჸუ მექსიკაშა ოულარქჷ, თინა თომას ლაგუციქ დოთირჷ.

RewoToweR-იშ ინოჭარუა დო გიშაშქუმალა (2010-2012) რედაქტირაფა

2010 წანაშ მანგის ბუნა ახალი ალბომიშ RewoTower ინოჭარუას მიაჸუნჷ, ბუცო დო კონფორტი ლუკა ლატინიქ დოთირჷ, ვოკალისტი ნამჷთ თეიშა პოპ/სოულ სტილს მუშენდჷ. ალბომიშ ინოჭარუას შხვაშ თური მუსიკოსეფით ოკათუდესჷ, თიჯგუეფით, მუჭომეფით რენა საიმონ ჰოსფორდი (Tommy Emmanuel Band, Virgil Donati’s On the Virg), იტალიარი ჯაზიშ მობირე ტიტა ნესტი დო ქორთუ ჯაზიშ მობირე მაია ბარათაშვილი. 2011 წანაში დამორჩილს Profusion-ქ ამერიკულ რეკორდ ლეიბლ ProgRock Records-წკჷმა გაფორმჷ კონტრაქტი. ალბომი RewoTower 2012 წანაში დაჭყაფურს გიშართჷ.

Phersu-იშ ინოჭარუა დო გიშაშქუმალა (2012-2015) რედაქტირაფა

22 ეკენიას ბუნაშ მასმა ალბომქ, ჯოხონობათ Phersu ლეიბლ Progressive Promotion Records-იშ მოხვარათ იხილჷ დღაშ სინთე. თიში ინოჭარუას მეწვიებული მუსიკოსეფი ოკათუდეს: ჩინებული ოოპერე მობირე, მეცო-სოპრანო ანიტა რაჭველიშვილი, ქორთულ-გერმანული ჯაზ-ტრიო The Shin-იშ მაკათური მამუკა ღაღანიძე. 2015 წანას Profusion გერმანიას ფესტივალ Progressive Promotion-ს ოკათუდჷ, ხოლო საფრანგეთის ფესტივალ Crescendo Festival-ს, უკვე შხვა მაკათურობათ - ლუკა კამბიშ დო თომას ლაგუციშ მანგიორო ახალი მაკათურეფი - დავიდე პეპიქ დო იური მაჩანტიქ გიაძინესჷ.

ბუნაშ მაკათურეფი რედაქტირაფა

რესურსეფი ინტერნეტის რედაქტირაფა