Tube Alloys

Tube Alloys — გოართოიანაფილი ომაფეშ დო კანადაშ პროგრამა მაჟირა მოსოფელიშ ლჷმაშ ბორჯის, ატომური ანჯარიშ რკვიებაშო დო გოვითარაფაშო. ათე პროგრამაქ მანჰეტენიშ პროექტიშე უმოს ორდოშე დიჭყჷ. პროგრამაშ ინიციატივაქ მაჸუნჷ რუდოლფ პაიერლზიშ დო ოტო რობერტ ფრიშიშ 1940 წანაშ ართამ მემორანდუმს, სოდეთ მენცარეფი ეთმოჭარჷნდეს ურანი-235-იშ გიმორინაფაშ პერსპექტივეფს ატომური ანჯარიშ გეშათ. პაიერლზი-ფრიშიშ მემორანდუმს უკულ მაჸუნჷ მაუდიშ კომიტეტიშ დორსხუაფაქ დო ატომური პროგრამაშ გოვითარაფაშ დოჭყაფაქ. ბრიტანეთიშ ატომური პროგრამაშ ხემანჯღვერი რდჷ ბრიტანალი ქიმიკოსი უოლეს ეიკერზი, ნამუქჷთ გიოდჷ პროგრამას კოდური ჯოხოდვალა "Tube Alloys". ქვერსემ ხარჯეფიშ გეშა, ბრიტანეთიშ თარობას პროექტიქ ბოლოშა ვემიაჸონინჷ დო 1943 წანაშ კვებეკიშ აპიჯაფათ, პროექტიშ დეტალეფი დო ტექნკური ინფორმაციეფი ამერიკას გეგნოჩჷ. Tube Alloys-იქ ამერიკაშ ატომური პროგრამას, მანჰეტენიშ პროექტის ქიმიარსხჷ. მაჟირა მოსოფელიშ ლჷმაშ უკულ ბრიტანეთიქ კინ დართჷ ატომური ანჯარიშ გოვითარაფას დო დარსხუ ახალი პროექტი High Explosive Research, ნამუშ ხემანჯღვერეფი რდეს ჩარლზ პორტალი დო უილიამ პენი. 1952 წანაშ 3 გჷმათუთას ბრიტანეთიქ აკეთჷ ატომური ანჯარიშ ტესტირაფა, ბჟადალი ავსტრალიაშ მონტებელოშ კოკეფიშ გოხოლუას.

რესურსეფი ინტერნეტის

• The Quebec Conference: Agreement Relating to Atomic Energy. Yale University. კითხირიშ თარიღი: 6 February 2017.
• Interview with Eileen Doxford, Tube Alloys program lab assistant. Voices of the Manhattan Project. კითხირიშ თარიღი: 6 February 2017.
• Interview with Myfanwy Pritchard-Roberts, Tube Alloys program lab assistant. Voices of the Manhattan Project. კითხირიშ თარიღი: 6 February 2017.
• Minutes and memoranda of Tube Alloys Consultative Council, January 1942- April 1945