ათათურქიშ ჯოხოდვალაშ სტამბოლიშ აეროპორტი
ათათურქიშ ჯოხოდვალაშ სტამბოლიშ აეროპორტი (თურქ. İstanbul Atatürk Havalimanı; (IATA: IST, ICAO: LTBA)) — ართამი დოინალაფაშ აეროპორტი სტამბოლს. 2019 წანაშ 6 პირელშახ, კონტინენტეფოშქაშე შარალუას დო ორზოლიშ გინოღალას ოინალუდჷ. იდვალუაფუ ნოღაშ ევროპულ ნორთის, ნოღაშ ისტორიული ცენტრიშ — სულთანახმეტიშ მოედანიშ ბჟადალშე 24 კილომეტრის, მარმარილოშ ზუღაშ წყარპიჯის. 1980 წანაშე, აეროპორტის თურქეთიშ მაართა პრეზიდენტიშ - მუსტაფა ქემალ ათათურქიშ ჯოხოდვალა უღუ.
ათათურქიშ ჯოხოდვალაშ სტამბოლიშ აეროპორტი İstanbul Atatürk Havalimanı
| ||
|---|---|---|
| ||
| სტამბოლიშ აეროპორტი | ||
ინფორმაცია
| ||
| ტიპი | ომენოღალე | |
| მაღვენჯი | Devlet Hava Meydanları İşletmesi | |
| ოპერატორი | TAV Airports | |
| ონინალჷ | ბაქირკოი, სტამბოლი | |
| ორენი |  თურქეთი
| |
| კოორდინატეფი | / | |
ეიოფურინალ-დაფურინალი საროტეფი (ედს)
| ||
| ნომერი | ზჷმეფი | ოფორუე |
| 17L/35R | 3,000 | ბეტონი |
| 17R/35L | 3,000 | ბეტონი |
| 05/23 | 2,580 | ასფალტი |
სტატისტიკა (2014)
| ||
| მოშარეეფიშ მუდანობა | 56,954,790
| |
| ოერფოშქაშე მოშარეეფიშ მუდანობა | 38,200,788 | |
| წყუ:ოფიციალური ვებ-ხასჷლა | ||
მოშარეეფიშ ნინალაშ მუდანობაშ მეჯინათ, აეროპორტი ევროპას 4-ა დო მოსოფელს 13-ა რდჷ. 2014 წანას, აეროპორტიშ მოშარეეფიშ მუდანობაქ 56 მილიონი ადამიერს გინმაჩირთუდჷ. მუმალს, აეროპორტიშ გინოხარგუაშ გეშა, დიგეგმჷ სტამბოლიშ მასუმა ახალი აეროპორტიშ აკოგაფაქ, ნამუშ უკული ათათურქიშ აეროპორტიქ დიკილჷ[1].
2000 წანაშ ღურთუთაშე, აეროპორტიშ მამართვალი ოპერატორი რდჷ TAV Airports (Tepe-Akfen-Ventures), ნამუქჷთ აეროპორტიშ გავითარაფალო, 1998 წანაშე, 600 მილიონი დოლარი ინვესტიცია დინოდჷ. 2005 წანას, TAV-ქ გიმორძგჷ ტენდერს აეროპორტიშ ომართალო 15,5 წანაშ გოძვენათ.
აეროპორტიშ ტერიტორიას იდვალუაფუდჷ თურქეთიშ ერუანული ავიაკომპანია Turkish Airlines-იშ შტაბ-ორენი, ნამუშოთ აეროპორტი თარი ორენი რდჷ. თაშნეშე აეროპორტის ბაზირენდეს აბანობური თურქული ავიაკომპანიეფი: Atlasglobal დო Onur Air.
ათათურქიშ აეროპორტწკჷმა ართო, სტამბოლს თაშნეშე ონინალუდჷ, ნოღაშ აზიურ ნორთის მადვალუ მორჩილი საბიჰა გიოქჩენიშ ჯოხოდვალაშ ოერეფოშქაშე აეროპორტი.
რესურსეფი ინტერნეტის
რედაქტირაფა- აეროპორტიშ ოფიციალური საიტი Archived 2017-01-10 ვებ-ხასჷლას Wayback Machine. (ინგლისური)
სქოლიო
რედაქტირაფა- ↑ THY chairman: İstanbul Atatürk Airport to close down. todayszaman.com (2015-03-01). კითხირიშ თარიღი: 2015-07-27.