აირიშ გვალეფი
აირიშ გვალეფი თაშნეშე ჩინებული მუჭოთ აირიშ მასივი — გვალეფიშ სუმკუნთხუამ მასივი ოორუე ნიგერს, საჰარაშ ტიოზიშ ტერიტორიას. წჷმარინუანც ჩანარეფით ფორილ ეკორეგიონს, ნამუშ სიმაღალეთ ზუღაშ დონეშე 1 830 მეტრა რე, ოდო ედომუშამი ფართობი 84 000 კმ².[1] ტიოზიშ შქაგურც, ზუღაშ დონეშე 500 - 900 მეტრას დვალირ აირიშ პლატო გჷთმაჭყანც კოკის, ნამუდგაშ კლიმატით შურდგჷმაშ მიარენერი ფორმაშ გოფაჩუას უნწყჷნც ხეს. თაქ მიარეთიე მეორინჯალაშ დო ფერმერული გოართოიანაფეფი, თაშნეშე გეოლოგიური დო არქეოლოგიური ობიექტეფი. ოშინალიე რეგიონს მიმალი არქეოლოგიური გონთხორუეფი, ნამუეფქჷთ ნათერო გჷნაშქვჷ თიში პრეისტორიული ულირბორჯი.[2] აირიშ რეგიონც ართი ბორჯის ხედჷ საფჷრთხეშ თუდო რენჯი მოხანტილ ოჯინუ ჯოღორი (Lycaon pictus), ნამუთ ადამიერეფიშ დოხორინიშ გეშა თეჟამო თე რეგიონშე ედომუშამო ეშალაფირიე.[3]
| აირიშ დო ტენერეშ ორთაშ ტყაჩირი* | |
|---|---|
| იუნესკოშ მოსოფელიშ მონძალაშ ობიექტი | |
| |
| ქიანა |  ნიგერი
|
| ტიპი | ორთაშობური |
| კრიტერიუმეფი | vii, ix, x |
| ერკებული | იუნესკოშ ერკებული |
| რეგიონი** | აფრიკა |
| კოორდინატეფი | 18°16′37″ ოორ. გ. 7°59′58″ ელ. გ. |
| კათაფაშ ისტორია | |
| კათაფა | 1991 (მა-15 სესია) |
| ნომერი | 573 |
| * ქძ. ინგლ. ჯოხო UNESCO-შ ერკებულს. | |
| ** იუნესკოშით კლასიფიცირაფილი რეგიონი. | |
|
მოსოფელიშ მონძალა UNESCO, ობიექტი № 573 რუს. • ინგლ. • ფრ. |
აირიშ გვალეფი მუშ განშე იკათუანც კირდეამ პლატოშე ერხინილ ჩხორო დახე ქართილ მასივს, ნამუეფსჷთ ბჟაეიოლჸურე ტენერეშ ტიოზიშ დიუნეფი უხურგანც. გვალეფც ეკოროცხილიე ჩანარეფიშ 430-შე უმოსი ბუნა.
1991 წანაშე, აირიშ გვალეფიშ დო ტენერეშ ტიოზიშ ტერიტორიეფც გოჭყაფილ ორთაშ ტყაჩირი მიშულირიე იუნესკოშ მოსოფელიშ მონძალაშ ერკებულშა.
ქოძირით თაშნეშე
რედაქტირაფარესურსეფი ინტერნეტის
რედაქტირაფა- URANIUM GEOLOGY: NIGER, WEST AFRICA Archived 2009-03-05 ვებ-ხასჷლას Wayback Machine.
სქოლიო
რედაქტირაფა- ↑ Thorp, M.B. 1969: Some aspects of the geomorphology of the Air Mountains, southern Sahara. Transactions, Institute of British Geographers, 47, 25–46.
- ↑ Thurstan Shaw, Paul Sinclair, Bassey Andah and Alex Okpoko. 1995. The Archaeology of Africa: Food, Metals and Towns, Published by Routledge, ISBN 0-415-11585-X, 9780415115858 857 pages
- ↑ C. Michael Hogan. 2009. Painted Hunting Dog: Lycaon pictus, GlobalTwitcher.com, ed. N. Stromberg Archived 2010-12-09 ვებ-ხასჷლას Wayback Machine.