აკაკი ბაქრაძე

აკაკი ბაქრაძე (დ. 29 მელახი, 1928, ნოღა ქართი ― ღ. ქართი, 1999), ქორთუ კრიტიკოსი, ხელუანობეფიშმარჩქინე, პუბლიცისტი, ოჯარალუ მოღალე.

ბიოგრაფია

აკაკი ბაქრაძექ დებადჷ 1928 წანაშ 28 მელახის ნოღა ქართის. 1948 წანას გათუ ოზურგეთიშ ოშქაშე სკოლა. 1953 წანას გათუ ქართიშ სახენწჷფო უნივერსიტეტიშ ისტორიაშ ფაკულტეტი.

1955-60 წანეფს მუშენდჷ კინოსტუდია "ქართული ფილმიშ" ოსცენარე გჷნართაშ რედაქტორო დო თარ რედაქტორო, 1964-1968 წანეფს მუშენდჷ ოსცენარე-ორედაქციე გჷნართაშ თარ რედაქტორო.

1973-1980 წანეფს რდჷ რუსთაველიშ თეატრიშ დირეტორი, კინემატოგრაფიაშ სახენწჷფო კომიტეტიშ თარი რედაქტორი (1968-1988), მარჯანიშვილიშ თეატრიშ სახანტუო ხემანჯღვერი (1988-1989), რუსთაველიშ ჯარალუაშ პრეზიდენტი (1989-1991 წწ.). რდჷ სხუნუეფიშ ოკათე დეპუტატი, სხუნუეფიშ უჟინაში სხუნუშ ნაციეფიშ სხუნუშ მაკათური (1989-1991 წწ.).

1991-1996 წანეფს კითხულენდჷ ლექციეფს ქუთეშიშ სახენწჷფო უნივერსიტეტის. 1995 წანას ეშასხუნეს გელათიშ მენცარობეფიშ აკადემიაშ მაკათურო. ღურჷ 1999 წანაშ 6 ქირსეთუთას. დასაფულებური რე ჭარუეფიშ დო ოჯარალუ მოღალეეფიშ დიდუბეშ პანთეონს.

პუბლიცისტიკა

აკაკი ბაქრაძე რე ჭარილეფიშ მუდგაზმარენი ნაკათინაშ ავტორი, ნამუეფით ოწაწჷდჷ ქორთული თეატრიშ დო კინოშ ისტორიას, XX ოშწანურაშ თეატრიშ დო კინოხელუანობაშ ოკითხეფს. მაართა ჭარილი, რეცენზია ფილმიშე "ჩვენი ეზო" გჷმაბჟინუ 1954 წანას ჟურნალ ცისკარს, მაართა წინგეფი კინოკრიტიკული ეტიუდები დო კრიტიკული წერილები გჷმაბჟინუ 1966 წანას.

აკაკი ბაქრაძე ირკვიენდჷ XX ოშწანურაშ ქორთული ჭარუობაშ პრობლემეფს, დჷმაჭყაფუ ჭარუეფიშ აკოქიმინჯალას, ირკვიენდჷ ვაჟა-ფშაველაშ, კონსტანტინე გამსახურდიაშ დო დემნა შენგელაიაშ ნახანდეფიშ მითოლოგიურ ჯინჯეფს ("მითოლოგიური ენგადი", 1969; "ფიქრი და განსჯა", 1972). თაშნე გურაფულენდჷ ქორთუ ჭარუეფიშ დო ოჯარალუ მოღალეეფიშ ბიოგრაფიეფს: "წიწამური (ილია ჭავჭავაძე)" (1984 წ.) , "ტკბილი ოცნება და მწარე სინამდვილე (აკაკი წერეთელი)", "ნიკო ნიკოლაძე", "კარდუ ანუ გრიგოლ რობაქიძის ცხოვრება და ღვაწლი".

აკაკი ბაქრაძეშ წინგეფი რე: ”სჯანი” (1972 წ.), ”ფიქრი და განსჯა” (1972 წ.), ”კრიტიკული გულანი” (1977 წ.), ”მარად და ყველგან საქართველოვ მე ვარ შენთანა” (1978 წ.), ”პილპილმოყრილი მადლი” (1989 წ.), ”რწმენა” (1990 წ.) ”მწერლობის მოთვინიერება” (1990 წ.), ”ილია და აკაკი” (1993 წ.), ”დაწუნებილი გზა” (1995 წ.).

ბაქრაძე კითხულენდჷ ლექციეფიშ კურსის დო საჯარო ლექციეფს ლიტერატურაშე, ისტორიაშე, ნაციონალურ დო ჯარალობურ ოკითხეფშე.

რესურსეფი ინტერნეტის

• ქართიშ 67-ა სკოლაშ მაგურაფუეფიშ პროექტი ”აკაკი ბაქრაძე”
• აკაკი ბაქრაძეშ რინა, შემოქმენდალა

ლიტერატურა

• ქორთული სხუნუეფიშ ენციკლოპედია, ტ. 2, ხასჷლა 240, ქართი, 1977.