ალონზო ჩერჩი
ალონზო ჩერჩი (ინგლ. Alonzo Church; დ. 14 მანგი, 1903, ვაშინგტონი, ააშ — ღ. 11 მარაშინათუთა, 1995, ჰადსონი, ოჰაიო, ააშ) — ამერიკალი მათემატიკოსი, ინფორმატიკოსი, ლოგიკოსი დო ფილოსოფოსი, ნამუქჷთ მიშეღჷ დიდი თია მათემატიკური ლოგიკაშ გოვითარაფაშა დო თეორიული ინფორმატიკაშ დორსხუაფაშა.
| ალონზო ჩერჩი | |
| ინგლ. Alonzo Church | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მარაშინათუთა 11, 1995 (92 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: |
ალან ტიურინგი |
| ჩინებული რე მუჭოთ: |
ინფორმატიკაშ ართ-ართი დუმარსხუაფალი |
| ჯილდოეფი დო პრემიეფი: |
ხელუანობეფიშ დო მენცარობეფიშ ამერიკული აკადემიაშ მაკათური (1967) |
ალონზო ჩერჩი შინელი რე ჩერჩი-ტიურინგიშ თეზისით, ფრეგე-ჩერჩიშ ონტოლოგიათ დო ჩერჩი-როსერიშ თეორემათ. დანტკიცჷ Entscheidungsproblem-იშ უგნუჭყვადუობა. თაშნეშე, ჩერჩიქ მიშეღჷ დიდი კონტრიბუცია ნინაშ ფილოსოფიაშ რკვიებაშა. მუში სტუდენტი ალან ტიურინგიწკჷმა ართო მერჩქინელი რე ინფორმატიკაშ ართ-ართ დუმარსხუაფალო დო ცენტრალურ ფიგურათ.
ალონზო ჩერჩი გურაფულენდჷ მათემატიკას პრინსთონიშ უნივერსიტეტის, ნამუთ გათუ 1924 წანას. ოდოქტორე დისერტაცია თხილუ ოსვალდ ვებლენიშ ხემანჯღვერობათ. გურაფაშ თებაშ უკული მუშენდჷ ინსტრუქტორო ჩიკაგოშ უნივერსიტეტის. 1927-1929 წანეფს, ერუანული რკვიებეფიშ სტიპენდიათ, გურაფულენდჷ ჰარვარდიშ, გეტინგენიშ დო ამსტერდამიშ უნივერსიტეტეფს.
1929-1967 წანეფს ჩერჩი ოგურუანდჷ მათემატიკას დო ფილოსოფიას, პრინსთონიშ უნივერსიტეტის. 1967-1990 წანეფს რდჷ კალიფორნიაშ უნივერსიტეტიშ (ლოს-ანჯელესი) მათემატიკაშ პროფესორი.
რესურსეფი ინტერნეტის რედაქტირაფა
- ალონზო ჩერჩი ენციკლოპედია ბრიტანიკას
- Princeton University Library, Manuscripts Division, The Alonzo Church Papers, 1924–1995: finding aid.
- ალონზო ჩერჩი — Find a Grave-ს
- Alonzo Church, 92, Theorist Of the Limits of Mathematics New York Times obituary
- OBITUARY: Alonzo Church from The Independent
- In memoriam: Alonzo Church (1903–1995) by Irving H. Anellis, Modern Logic Vol. 5, No. 4 (1995).
- In memoriam: Alonzo Church 1903–1995 by H. B. Enderton, The Bulletin of Symbolic Logic Vol. 1, No.5 (1995).