ამორფოფალუსი

ამორფოფალუსი (ლათ. Amorphophallus — ჯვ.-ბერძენ. ἄμορφος-შე, "უფორმე" დო ჯვ.-ბერძენ. φαλλός-შე, "ფალოსი") — ჩანარიშ გვარი ღვინდოღუმუშობურეფიშ ფანიაშე, ნამუშათ 170-შე უმოსი ტროპიკული დო სუბტროპიკული კვირკვამი ჩანარი მიშმურს.

ამორფოფალუს ტიტანურს უღჷ მოსოფელს უშხუაში ბიბლა, ნამუშ სიმაღალაქ შილებე ონჭას 2,5 მეტრიშახ დო სიგანაქ — 1,5 მეტრიშახ. სიმაღალათ უმოსი რე — ამორფოფალუსი გიგასი, ნამუთ უმოს მაღალი რე, მარა უმოს მორჩილი პეული უღჷ.

ანდა ბოტანიკოსი კოროცხუნს, ნამჷ-და ამორფოფალუს ტიტანურიშ პეულს არძა ჩანარს შქას არძაშე მერმენწა შური უღჷ — ტყვაპაია მარქვალიშ დო ჸორადილი ჩხომიშ მესვარილ შურს მოგენს. ათე ტროპიკული პეულიშ გიშაკერძაფილი მეკონი რე თინა, ნამჷ-და ხვალე თიმ ბორჯის გუთმოჩანს შურს, მუჟანსჷთ მიკაწაწჷნან.

გეოგრაფიული არანი

ამორფოფალუსი რე ტიპიური რზენიშ ჩანარი, ნამუთ ჩანს ტროპიკულ დო სუბტროპიკულ ზონეფს, ბჟადალ აფრიკაშე რჩქალი ოკიანეშ კოკეფშა: ტროპიკული დო ობჟათე აფრიკა, მადაგასკარი, ჩინეთი, იაპონია, ტაივანი, ინდოეთი, ბანგლადეში, ნეპალი, შრი-ლანკა, ანდამანიშ კოკეფი, ლაოსი, კამბოჯა, მიანმარი, ნიკობარიშ კოკეფი, ტაილანდი, ვიეტნამი, ბორნეო, იავა, მოლუკიშ კოკეფი, ფილიპინეფი, მალაიზია, სულავესი, სუმატრა, ახალი გვინეა, მორჩილი ზონდიშ კოკეფი, ფიჯი, სამოა, თაშნეშე ავსტრალიას: ოორუე ტერიტორია, ქუინსლენდი.

ამორფოფალუსიშ უმენტაში გვარობა რე ენდემეფი.

პრაქტიკული გჷმორინაფა

ამორფოფალუსიშ ბოქვენეფს ფართოთ გჷმირინუანა ტრადიციულ იაპონურ საგესქუოს სუპეფიშ დო ხორცამ ოჭკომალიშ ოკეთებელო. თაშნეშე აკეთენა ქვირს ატრიაშო დო ჟელეშობური ნიფთიარობას, ნამუშე უკული ორთჷნა უგემუანაშ ტოფუს.

მედიცინას ამორფოფალუსიშ კვირკვეფი გჷმირინუაფუ დიაბეტური პროდუქტეფიშ ოკეთებელ ინგრედიენტო.

რესურსეფი ინტერნეტის

• Amorphophallus Archived 2012-09-27 ვებ-ხასჷლას Wayback Machine. კიუშ ომაფე ბოტანიკური ბაღეფიშ მუნაჩემეფიშ ბაზას, გოართოიანაფილი ომაფე
• ამორფოფალუსიშ გვარობეფი სურათეფით