არსიანიშ ქჷნდჷრი

არსიანიშ ქჷნდჷრი (თურქ. Yalnızçam Dağları), ქჷნდჷრი თურქეთის დო საქორთუოს. სიგირძა 150 კმ, ოშქაშე სიმაღალა 2000-2500 მ. ქჷნდჷრიშ ობჟათე დო შქა ნორთი თურქეთის რე, სოდეთ თის Yalnızçam Dağları ჯოხო; ოორუე ნორთი - საქორთუოს. უმაღალაშ ჭურჭულიე მ. არსიანი (3165 მ). არსიანიშ ქჷნდჷრი წყარმალუეფიშ ჭოროხიშ დო მტკვარიშ გოჸორეფიშ წყარგჷმართალიე. ეგაფილიე ტკილეფით, ქვიშაქუალეფით, ჟინნასმორული ასაკიშ გოდერძიშ რანწკეფით დო ვულკანოგენური ეოცენური ნოლექეფით. ქჷნდჷრიშ კართეეფი ტომბას რე დორთილი ჭოროხიშ, აჭარისწყალიშ, ქვაბულიანიშ, ფოცხოვიშ დო შხვა წყარმალუეფიშ ლეხერეფით. კუნწულს წჷმოსქილადირიე ჯვეში გოჸინუაშ შანეფი. შანულამი ჸალაიბონეფი რე: გოდერძი (2025 მ), აბანოსყელი (2315 მ); გვალეფი - თლილი (2541 მ), ჭანჭახი (2506 მ), ცივწყარო (2189 მ). ქჷნდჷრიშ ფერდიეფს გვალა-ტყაშ, ოდო კუნწულს გვალა-დოლოშ ლანდშაფტი რე.

ლიტერატურა

• ქორთული სხუნუეფიშ ენციკლოპედია, ტ. 1, ხს. 586, ქართი, 1975 წანა.