ზუფუ (წყარმალუ)

ზუფუ
დოხასიათაფა
სიგირძა	110 კმ.
ღანჩოშ ფართობი	1510 კმ²

ზუფუ (ისტორიული ჯოხოდვალა — „კაპოეტისწყალი“; ქორთულო ბზიფი; აფხ. Бзыԥ — წყარმალუ ბჟადალ საქორთუოს, აფხაზეთიშ ავტონომიური რესპუბლიკაშ ტერიტორიას. ოდუდე უღუ კავკასიონიშ თარი წყარგჷმართალი ქჷნდჷრიშ ობჟათე კართეს. სიგინძა რე 110 კილომეტრი, ღანჩოშ ფართობი - 1510 კვ.კმ. ჟინი მალობას ლეხერი ონჭირე დო ტომბა რე. ოფუტე ფსხუწკჷმა ლეხერი იგანიერებუ დო წყარმალუ ირთუ ჸალეფო. გიმე ლეხერი ონჭირე, მინშა კანიონიშორი რე, ოფუტე ზუფუწკჷმა რზენშა გუშმურს დო აკათუ უჩა ზუღას ბიჭვინთაშ კორცხიწკჷმა. წყარიშ ოშქაშე ხარჯი მიშაკათაფუწკჷმა რე 99 მ.კუბ./წმ. ირდუ ჭვემაშ (37,2 %), დიხაშთუდონი (32,2 %) დო თჷრიშ (30,6 %) წყარეფით. წყარალა უჩქჷ აფუნს დო ზარხულიშ მაართა გვერდის, წყარიშ სიმორჩილე - ბზოთონჯის. ზარხულს დო დამორჩილს უჩქჷ წყარიშმოლაფა. ზუფუშ ნადუეფი რე ბავიუ დო გეგა.

წყარმალუ იუფშარაშ ჟიდონ წელს, ნამუთ ზუფუშ ღანჩოს ორხველჷ, იდვალუაფუ რიწაშ ტობა. ტობაშე უჩაზუღაშპიჯიშ შარაშე მეურს ოავტომობილე შარა, ნამუთ მეურს ნორთობურო ზუფუშ ლეხერს. წყარმალუ ზუფუ რე პოპულარული ტრასა წყარიშ ტურიზმიშო.

ლიტერატურა

აფხაზავა ი., ქორთული სხუნუეფიშ ენციკლოპედია, ტ. 2, ხს. 353, ქართი, 1977 წანა