ბილიშ ტობა
| ბილიშ ტობა ბიანის ტბა Bielersee Lac de Bienne | |
|---|---|
| |
| კოორდინატეფი: | 47°05′ ოორ. გ. 7°10′ ელ. გ.-ს |
| ქიანა |  შვეიცარია
|
| აბანდვალა | ბერნიშ კანტონი |
| სიმაღალა ზუღაშ დონეშე | 429 მ |
| სიგინძა | 15 კმ |
| სიგანა | 4.1 კმ |
| ფართობი | 39.3 კმ² |
| მაქსიმალური სიტომბა | 74 მ |
ბილიშ ტობა ვარა ბიანიშ ტობა (გერმ. Bielersee, ფრანგ. Lac de Bienne) — ტობა ბჟადალ შვეიცარიას. მორატიწკჷმა დო ნევშატელიშ ტობაწკჷმა ართო რე ართ-ართი უდიდაში ტობა იურიშ გვალეფს, შვეიცარიაშ ტერიტორიას. აშახვილჷ 47°05′ ოორ. გ. 7°10′ ელ. გ.-ს, გერმანულ დო ფრანგულ ნინეფშა მაჩიებე არეალეფიშ თანჯას.
ტობაშ სიგინძა რე 15 კილომეტრი, სიგანა — 4,1 კმ. ტობაშ ჟიდოხიშ ფართობი რე 39,3კმ², მაქსიმალური სიტომბა — 74 მ. იდვალუაფუ ზუღაშ დონე 429 მეტრას.
ტობას აკათუ წყარმალი აარე, ცილი/ტეილე, ნამუთ გჷშმურს ნევშატელიშ ტობაშე, ტვანბახი დო სუზე.
ტობაშ წყარპიჯიწკჷმა დვალირი უდიდაში დოხოარეფი რე ბილინგუალი ნოღა ბილი/ბეინი დო მუში დაია ნოღა ნიდაუ. ჟირხოლო ნოღა იდვალუაფუ ოორუეშ წყარპიჯიშ განშე. კოკი სანქტ-პეტერსინსელი მიკმიჭოფანს ტურისტეფს. კოკი იდვალუაფუ ერლახიშ გოხოლუას. ჟან-ჟაკ რუსოს აფუ მუდგაზმარენი თუთა გჷნატარებუ თე კოკის.
ბიზნესიშ ართ-ართი თარი დარგი თაქ რე სათეფიშ წარმება დო მიკროტექნიკაშ ინდუსტრია. თაქ უღუნა მოსოფელიშ ჩინებულ სათიშ მაწარმებელ ბრენდეფს დუდ ოფისეფი, თინეფ შქას რე Swatch Group.
ტობაწკჷმა დვალირი ნოღეფი დო ოფუტეეფი რედაქტირაფა
ტობას გინმუურს თანჯა გერმანულო დო ფრანგულო მორაგადე რეგიონეფს შქას. უმეტაშ შვანს აბანეფს ჯოხოეფი უღუნა ჟირხოლო ნინაშა, მარა თინეფიშ არძა ვერსია ვარე ხვარებას.
- ბიფშალი - ბევესიე
- ერლახი - ცერლიე
- გაიხთი - იუგი
- გეროლფინგენი
- ჰაგნექი
- იპსაჩი
- ლანდერნი - ლე ლანდერონი (ნევშატელიშ კანტონი)
- ლიგერცი - გლერესი
- ლუშერცი - ლოკრასი
- მიორიგენი - მორენესი
- ნეუენშტადტი - ლა ნოივილი
- ნიდაუ
- სანქტ-პეტერსინსელი - ილ-დე-სან-პიერი
- შაფისი - შავანი
- შერნელცი - შერნო
- შუც-ლატრიგენი
- ტოიფელენი
- ტუშერცი - დოშე
- ტვანი - დუანი
- ვინელცი - ფენილი
- ვინგელცი - ვინუელე
- ვიგერისი - ვინგრასი