ნევშატელიშ ტობა

ნევშატელიშ ტობა (ფრანგ. Lac de Neuchâtel; გერმ. Neuenburgersee) — ტობა ბჟადალ შვეიცარიას. ტობაშ დიდი ნორთი დინორე ნევშატელიშ კანტონიშ ტერიტორიას, დოსქილადირი მორჩილი ნოკვათი – ვოშ, ფრიბურიშ დო ბერნიშ კანტონეფიშ ტერიტორიას. ნევშატელიშ ტობა იდვალუაფუ იურიშ გვალეფიშ ობჟათე-ბჟაეიოლ ლაკადას, ზუღაშ დონეშე 429 მ სიმაღალას. სიგჷრძა დოხოლაფირო 40 კმ, სიგანა — 8 კმ-შახ. ფართობი — 218,3 კმ². უდიდაში სიტომბა — 152 მ. ფშალათ მერსხუაფილი რე ბილიშ ტობაწკჷმა, ნამუშით წყარმალუ აარეთ მითმიარსხჷ წყარმალუ რაინს. ედომუშამო დინორე შვეიცარიაშ ტერიტორიას, ნამუშ გეშა მერჩქინელი რე მოჩამილი ქიანაშ უდიდაშ ტობათ.

ნევშატელიშ ტობა
ფრანგ. Lac de Neuchâtel; გერმ. Neuenburgersee
ნევშატელიშ ტობა
კოორდინატეფი: 46.9,6.8546°54′00″ ოორ. გ. 6°51′00″ ელ. გ.
ორენი	შვეიცარია
სიმაღალა ზუღაშ დონეშე	429 მ
სიგჷრძა	38.3 კმ
სიგანა	8.2 კმ
ფართობი	218.3 კმ²
მაქსიმალური სიტომბა	152 მ
ოშქაშე სიტომბა	64.2 მ
ღანჩოშ ფართობი	2670 კმ²
ინმალი წყარმალუეფი	ორბი, ტიელი, ბრუა
ნევშატელიშ ტობა

ტობას მუსხირენი ნადუ აკათჷ, თინეფს შქას შანულამი რე: ორბი, არნონი დო შხვა. ბჟადალი წყარპიჯეფი გვალათონა დო ახრა რე, ბჟაეიოლი — გიოლაფუ. კონწარ ზოთონჯის იჸინჷ. ტობაშ ოორუე წყარპიჯის აკოგაფილი რე ნოღა ნევშატელი, ობჟათე წყარპიჯიშ გოხოლუას — ნოღა ივერდონი.

თაშნეშე ქოძირით

• შვეიცარიაშ ტობეფიშ ერკებული

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ნევშატელიშ ტობა“ ვიკიოწკარუეს.
• ნევშატელიშ ტობა

(რუსული) — სტატია დიდი სხუნუეფიშ ენციკლოპედიაშე

• ნევშატელიშ ტობა (ინგლისური) — სტატია ენციკლოპედია ბრიტანიკაშე