ბულგარეთი
| ბულგარეთი | |
|---|---|
|
|
| ჰიმნი: Мила Родино | |
| დევიზი: Съединението прави силата | |
| |
| ბულგარეთი | |
| ნანანოღა | სოფია |
| უდიდაში ნოღა | სოფია |
| ოფიციალური ნინეფი | ბულგარული |
| თარობა | ოპარლამენტე რესპუბლიკა |
| პრეზიდენტი | რუმენ რადევი |
| პრ. მინისტრი | სტეფან იანევი |
| ფართობი | 110,910 კმ²(104-ა) |
| მახორობა | 6,875,040 (106-ა) (2021) |
| ვალუტა | ლევი (BGN) |
| ქიანაშ კოდი | BGR |
| ოტელეფონე კოდი | +359 |
ბულგარეთი (ბულგ. България), ოფიციალურო ბულგარეთიშ რესპუბლიკა (ბულგ. Република България) — სახენწჷფო ბალკანეთიშ ჩქონს, ობჟათე-ბჟაეიოლ ევროპას. ბულგარეთის უხურგანს ხუთი სახენწჷფო: რუმინეთი ოორუეშე (თანჯაშ დიდი ნორთი წყარმალუ დუნაის მეჸუნს), სერბეთი დო ოორუე მაკედონია ბჟადალშე, საბერძნეთი დო თურქეთი ობჟათეშე. უჩა ზუღა იდვალუაფუ ქიანაშ ბჟაეიოლ ჸურე.
ქიანაშ ფართობი რე 110,910 კვ.კმ.
ჯოხოდვალა რედაქტირაფა
- ოფიციალური: ბულგარეთიშ რესპუბლიკა.
- ოდაბადური: България, Република България.
- ეტიმოლოგია მოურს ეთნონიმ ბულგარიშე. ზიტყვა Bulg თურქულო აკოწყორილს ჯოხო.
სახენწჷფო რედაქტირაფა
- სახენწჷფო სისტემა: გოვითარაფადი დემოკრატიული რესპუბლიკა.
- სახენწჷფოშ მადუდური: პრეზიდენტი გეორგი პარვანოვი (2002).
- თარობაში მადუდური: პრემიერ-მინისტრი სერგეი სტანიშევი.
- კანონიშდუმადვალუ ორგანო: ართპალატამი საკათო კათუა (240 მაკათური).
ადმინისტრაციული გორთუალა: 8 ოლქი დო ნანანოღა.
დემოგრაფია რედაქტირაფა
- მახორობა: 7.365 ვითოში (2011), თენეფშე ბულგარალეფი 85%, თურქეფი 9%, ჩაჩანეფი 5%.
- ოფიციალური ნინა: ბულგარული.
- ნანანოღა: სოფია (1.089, აგლ. 1,183 ვითოში).
- ნოღეფი: პლოვდივი (338 ვითოში), ვარნა (312), ბურგასი (192), რუსე (161), სტარა ზაგორა (143).
ისტორია რედაქტირაფა
ქიანა დზოხორინელი რე თურქეთშე 1908 წანაშე. 1944 წანას სხუნუეფიშ ჯარეფქ მიშელეს ბულგარეთშა, კონსტიტუციური მონარქია გაგთარაგვეს დო თარობაშა ქჷმორთჷ კომუნისტური ორიენტაციაშ საკათო თარობაქ. მაართა დემოკრატიულ ეშაგორუეფქ იტარჷ 1987 წანას. 1991 წანას მეღებულქ იჸუ ახალ კონსტიტუციაქ. მაართა ვა კომუნისტურ თარობაშ მადუდური რდჷ ფილიპ დიმიტროვი.
მონძალა რედაქტირაფა
- სოფია - წმ. სოფიაშ (VI ოშწ.), ალექსანდრე ნეველიშ (XIX ოშწ.), ბოიანაშ (XIII ოშწ.) ოხვამეეფი, არქეოლოგიური მუზეუმი;
- კაზანლაკიშ დო სვეჩტარიშ თრაკიული საფულეეფი;
- მადარა ჰორსემანი
- ნესებარი - ჯვეში ნოღა (V ოშწ.);
- პირინიშ ნაციონალური პარკი;
- რილაშ მონასტერი (XIX ოშწ.);
- სრებარნაშ ტყაჩირი;
- ბაჩკოვო - პეტრიწონიშ მონასტერი;
- რუსულ-ბულგარული მაჸალეობაშ მონუმენტი (XIX ოშწ.).
ჩინებული ბულგარალეფი რედაქტირაფა
- ჭარუ - ივან ვაზოვი
- მობირეეფი - ლილი ივანოვა, ფილიპ კირკოროვი;
- სპორტსმენეფი - ხრისტო სტოიჩკოვი (კუჩხბურთი), მაგდალინა მალეევა (ჩოგბურთი);
- პოლიტიკოსეფი - ხრისტო ბოტევი, გიორგი დიმიტროვი, ტოდორ ჟივკოვი;
რესურსეფი ინტერნეტის რედაქტირაფა
 |