გალბა

სერვიუს სულპიციუს გალბა (ლათ. Servius Sulpicius Galba; დ. 24 ქირსეთუთა, ჯვ. წ. 3 — ღ. 15 ღურთუთა, 69) — რომიშ იმპერატორი შკვითი თუთაშ გოძვენას, 68 წანაშ 8 ივანობაშე 69 წანაშ 15 ღურთუთაშახ. ოთხი იმპერატორიშ წანაშ მაართა იმპერატორი.

გალბა ლათ. Galba
აურეუსი გალბაშ გჷმოხანტუათ
რომიშ იმპერატორი
პოსტის გერინაშ ბორჯი
8 მანგი, 68 – 15 ღურთუთა, 69
წიმოხონი	ნერონი
მონძე	ოტონი
დუნაბადი	24 ქირსეთუთა, ჯვ. წ. 3 ტერაჩინაშ გოხოლუას, იტალია, რომიშ იმპერია
ნაღურა	15 ღურთუთა, 69 (70 წანერი) რომი, იტალია, რომიშ იმპერია
მუმა	გაიუს სულპიციუს გალბა
ნანა	მუმია აქაიკა
ალმასქუ	ემილია ლეპიდა
სქუალეფი	ლუციუს კალპურნიუს პიზონ ფრუგი ლიცინიანუსი (სქუალაფირი)
რელიგია	ჯვეშრომაული რელიგია

დებადჷ დინდარი რომალეფიშ ფანიას. შხვადოშხვა ბორჯის უკებუდჷ პრეტორიშ, კონსულიშ დო პროვინციეფიშ: აკვიტანიაშ, ჟიმოლენი გერმანიაშ დო აფრიკაშ მამართალიშ პოსტი. კლავდიუსიშ მართუალაშ ბორჯის, გალბაქ პოლიტიკური კარიერა ქიმიოტუ, მარა გეჸვენჯი იმპერატორქ ნერონქ გალბა ქუდარინუ ესპანეთიშ პროვინციაშ მამართალო. ჸათე პოსტის თინა მოღალენდჷ ბრუო წანაშ გოძვენას. გაიუს იულიუს ვინდექსიშ არყებაშ მარცხიშ დო ნერონიშ ღურაშ უკულ, გალბაქ გინირთჷ იმპერატორო პრეტორიანალეფიშ გვარდიაშ ელარჷნათ.

იმპერატორობაშ ბორჯის, გალბას ვეიაჭოფუ პოპულარობაქ. გალბაქ მუში მოხუჯე ოტონიშ მანგიორო ქისქუალუ ლუციუს ლიცინიანუსი. უკმაყოფილე ოტონქ დო თიში მოხუჯეეფქ, 69 წანაშ 15 ღურთუთას, რომიშ ფორუმს დოჸვილეს გალბა დო ლიცინიანუსი. ხეშულობა ოტონქ ქაშეჸოთჷ ხეშა დო იმპერატორო გინირთჷ.

ლიტერატურა

• ენციკლოპედია ბრიტანიკა