გეორგ ჟან ფრანც კელერი (გერმ. Georges Jean Franz Köhler; დ. 17 პირელი, 1946, მიუნხენი, გერმანია — ღ. 1 მარტი, 1995, ფრაიბურგი, გერმანია) — გერმანალი ბიოლოგი, იმუნური სისტემაშ მენცარული რკვიებაშ დო მონოკლონალური ანტირსხულეფიშ პროდუქციაშ ტექნიკაშ გოვითარაფაშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1984 წანას. პრემია მიპალუ სეზარ მილშტეინი დო ნილს კაი ერნეწკჷმა ართო. მილშტეინიშ დო კელერიშ დორსხუაფილ ტექნიკაქ შელებუ მონოკლონალური ანტირსხულეფიშ გიმორინაფა ომედიცინე დიაგნოსტიკაშო დო თერაპიაშო. გეორგ კელერი მუშენდჷ მოლეკულური ბიოლოგიაშ ლაბორატორიას, კემბრიჯის. ჸათე ლაბორატორიას მუშობაშ ბორჯის დარსხუეს კელერქ დო მილშტეინქ ჰიბრიდომაშ ტექნოლოგიური მეთოდი. მოლეკულური ბიოლოგიაშ ლაბორატორიაშ უკულ კელერი მუშენდჷ ბაზელიშ იმუნოლოგიაშ ინსტიტუტის, სოდეთ 9 წანას იმუშუ. 1986-1995 წანეფს გეორგ კელერი რდჷ მაქს პლანკიშ იმუნობიოლოგიაშ ინსტიტუტიშ დირექტორი.

ფანია რედაქტირაფა

გეორგ კელერიშ მუმა გერმანალი რდჷ, დიდი ეთნიკური ფრანგი. გეორგ კელერიშ ოსური რდჷ კლაუდია რეინტესი. ჸუნდეს სუმი სქუა: კატერინა, ლუსია დო ფაბიანი. მენცარს ართ პერიოდის ეკონომიკურო უჭირდჷ დო ტაქსისტო ხოლო მუშენდჷ. ღურუ 1995 წანაშ 1 მელახის, 48 წანერქ, გურიშ ლახარათ.

რესურსეფი ინტერნეტის რედაქტირაფა