ნილს კაი ერნე
ნილს კაი ერნე (დან. Niels Kaj Jerne; დ. 23 ქირსეთუთა, 1911, ლონდონი, ინგლისი — ღ. 7 გჷმათუთა, 1994, კასტიიონ-დიუ-გარი, საფრანგეთი) — დანიარი იმუნოლოგი, იმუნური სისტემაშ მენცარული რკვიებაშ დო მონოკლონალური ანტირსხულეფიშ პროდუქციაშ პრინციპიშ ძირაფაშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1984 წანას (გეორგ კელერი დო სეზარ მილშტეინიწკჷმა ართო). გურაფულენდჷ ფიზიკას ლეიდენიშ უნივერსიტეტის, უკულ ფიზიკაშ გურაფა მიოტუ დო დიჭყჷ მედიცინაშ დოგურაფა. ლეიდენიშ უნივერსიტეტიშ უკულ გურაფა გაგინძორჷ კოპენჰაგენიშ უნივერსიტეტის, სოდეთ მიპალუ მედიცინაშ დოქტორიშ ხარისხი 1951 წანას. გურაფაშ თებაშ უკულ მუშენდჷ ჭყანთხილუაშ მოსოფელიშ ორგანიზაციას, ჟენევას. 1966 წანაშე რდჷ ფრანკფურტიშ გოეთეშ უნივერსიტეტიშ ექსპერიმენტალური თერაპიაშ პროფესორი. 1969-1980 წანეფს კაი ერნე რდჷ ბაზელიშ იმუნოლოგიაშ ინსტიტუტიშ დირექტორი. კაი ერნე რდჷ შხვადოშხვა პრემიეფიშ დო ჯილდოეფიშ ლაურეატი. 1978 წანას მიპალუ გაირდნერიშ პრემია დო 1978 წანას მარსელ ბენუაშ პრემია. რდჷ ამერიკაშ მენცარობაშ დო ხელუანობაშ აკადემიაშ, დანიაშ მენცარობეფიშ აკადემიაშ, ამერიკაშ მენცარობაშ ერუანული აკადემიაშ, საფრანგეთიშ მენცარობეფიშ აკადემიაშ დო ლონდონიშ ომაფე ჯარალუაშ მაკათური. ნილს კაი ერნე რდჷ ჩიკაგოშ უნივერსიტეტიშ, კოლუმბიაშ უნივერსიტეტიშ, კოპენჰაგენიშ უნივერსიტეტიშ დო ბაზელიშ უნივერსიტეტიშ საპატიო დოქტორი.
| ნილს კაი ერნე | |
| დან. Niels Kaj Jerne | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 7, 1994 (82 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ჭყანთხილუაშ მოსოფელიშ ორგანიზაცია |
| ალმა-მატერი: | |
| ჯილდოეფი დო პრემიეფი: |
გაირდნერიშ პრემია (1970) |
რესურსეფი ინტერნეტის
რედაქტირაფა