გეტა

პუბლიუს სეპტიმიუს გეტა (ლათ. Publius Septimius Geta; დ. 7 მელახი, 189 — ღ. 26 ქირსეთუთა, 211) — რომიშ იმპერატორი მუამუში სეპტიმიუს სევერუსი დო უნჩაში ჯიმა კარაკალაწკჷმა ართო 209-211 წანეფს. სევერუსეფიშ დინასტიაშ წჷმმარინაფალი.

გეტა ლათ. Geta
გეტაშ ბიუსტი ლუვრის
რომიშ იმპერატორი
პოსტის გერინაშ ბორჯი
209 – 211
წიმოხონი	სეპტიმიუს სევერუსი
მონძე	კარაკალა
დუნაბადი	7 მელახი, 189
ნაღურა	ქირსეთუთა 26, 211 (22 წანერი)
მუმა	სეპტიმიუს სევერუსი
ნანა	იულია დომნა
რელიგია	ჯვეშრომაული რელიგია

გეტა რდჷ სეპტიმიუს სევერუსიშ დო თიში მაჟირა ოსურიშ იულია დომნაშ უკულაში ქომოლსქუა. სევერუსის ოკოდჷ იმპერია მუში ჟირხოლო სკუაქ: კარაკალაქ დო გეტაქ ართო მართუკო. სევერუსიშ ღურაშ უკულ თეშ გეუფრაშჷ ჯიმალეფს შქას ურთიართალაქ, ისტორიკოსი ჰეროდიანე ჭარუნს ნამდა გეტაქ დო კარაკალაქ მინდომეს იმპერიაშ გორთუალა. მარა თინეფიშ ჸათე ცადებას ქაწუდირთჷ დიდაქ იულია დომნაქ.

გეტა დო კარაკალა ართიანს ვეშმეხვადუდეს მათხილარეფიშ უმოშო. 211 წანაშ ქირსეთუთას, კარაკალაქ გეტა ქიჭანუ დიდაშ იულია დომნაშ ბინაშა, სოდეთ კარაკალაქ გეტა ცენტურიონეფს დაჸვილაფუ. კარაკალაშ ზოჯალათ გეტაშ ჯოხო გეშალასეს ოფიციალური დოკუმენტეფიშე.

ლიტერატურა

• ენციკლოპედია ბრიტანიკა