კარაკალა

მარკუს ავრელიუს ანტონინუსი (დაბადებაშ ჯოხო: ლუციუს სეპტიმიუს ბასიანუსი, ლათ. Lucius Septimius Bassianus, დ. 4 პირელი, 188 — ღ. 8 პირელი, 217), უმოსო შინელი რე მუჭოთ კარაკალა — რომიშ იმპერატორი 198-217 წანეფს, სევერუსეფიშ დინასტიაშ წჷმმარინაფალი, სეპტიმიუს სევერუსიშ დო თიში ალმასქუ იულია დომნაშ უნჩაში ქომოლსქუა.

კარაკალა ლათ. Caracalla
კარაკალაშ ბიუსტი რომიშ ერუანულ მუზეუმს
რომიშ იმპერატორი
პოსტის გერინაშ ბორჯი
28 ღურთუთა, 198 წანა – 8 პირელი, 217 წანა
წიმოხონი	სეპტიმიუს სევერუსი
მონძე	მაკრინუსი
დუნაბადი	4 პირელი, 188 ლუგდუნუმი
ნაღურა	პირელი 8, 217 (29 წანერი) შარას, ედესაშ დო კარიშ შქას
მუმა	სეპტიმიუს სევერუსი
ნანა	იულია დომნა
ალმასქუ	ფულვია პლავცილა
რელიგია	ჯვეშრომაული რელიგია

198 წანას კარაკალა წორო-იმპერატორო წჷმარინუ სევერუსიქ. 209-2011 წანეფს მუში ჯიმა გეტაწკჷმა ართო მართუნდჷ იმპერიას. 211 წანაშ 26 ქირსეთუთას გეტა დაჸვილაფუ კარაკალაქ.

კარაკალაშ მართუალა შანულამი რე ედიქტით, ნამუთ თიქ 212 წანას გიშაშქუ დო ნამუშ ნძალათ რომიშ იმპერიაშ არძო დუდიშული ადამიერს მიაჩუ რომიშ მენოღალობაქ. კარაკალა, თაშნეშე შინელი რე აბანოეფით, ნამუეფით თიქ ეიოგჷ დო ნამუეფი სიდიდათ მაჟირა რდჷ იმპერიას დიოკლეტიანეშ აბანოეფიშ უკულ. კარაკალაქ 215 წანას მიშეღჷ ახალი ვალუტა ანტონინიანი.

216 წანას კარაკალაქ ქიდიჭყჷ ოურდუმე კამპანია პართიაშ მეხჷ, ნამუშ თებაქ თის ვაჭიშუ. 217 წანას კარაკალა დოჸვილეს. იმპერატორიშ ხვისტაშა ეშართჷ მაკრინუსიქ, ნამუსჷთ კარაკალაშ მართუალაშ ბორჯის უკინებუდჷ პრეტორიანალეფიშ პრეფექტიშ პოსტი. კარაკალაშ ჸვილუას მაკრინუსი ხოლო მიშაძუდჷ.

ანტიკური პერიოდიშ ავტორეფი კარაკალას მითმირჩქინანდეს მუჭოთ ტირანს დო უბადო ხემანჯღვერს.

ლიტერატურა

• Southern, Patricia (2015). The Roman Empire from Severus to Constantine. Routledge.
• Grant, Michael (1996). The Severans: the Changed Roman Empire. Psychology Press.

კარაკალა სევერუსეფიშ დინასტია დებადჷ: 4 პირელი, 188 ღურჷ: 8 პირელი, 217
წიმოხონი: სეპტიმიუს სევერუსი	რომიშ იმპერატორი    198–217 სეპტიმიუს სევერუსიწკჷმა ართო (198-211) გეტაწკჷმა ართო (209-211)	გეჸვენჯი: მაკრინუსი