გილერმო კაბრერა ინფანტე
გილერმო კაბრერა ინფანტე (ესპ. Guillermo Cabrera Infante; დ. 22 პირელი, 1929, ხიბარა, კუბა — ღ. 21 ფურთუთა, 2005, ლონდონი, გოართოიანაფილი ომაფე) — კუბარი ჭარუ, ნოველისტი, სცენარისტი, მათანგალი, ესსეისტი, კრიტიკოსი დო ჟურნალისტი.
| გილერმო კაბრერა ინფანტე | |
 | |
| ფსევდონიმი: |
Guillermo Cain |
|---|---|
| დაბადებაშ თარიღი: | |
| დაბადებაშ აბანი: | |
| ღურაშ თარიღი: |
ფურთუთა 21, 2005 (75 წანერი) |
| ღურაშ აბანი: | |
| ერუანობა: | |
| საქვარუა: |
ჭარუ, ნოველისტი, სცენარისტი, მათანგალი, ესსეისტი, კრიტიკოსი, ჟურნალისტი |
| პერიოდი : |
1960—1999 |
| Magnum opus: |
სუმი მოწყინაფილი ნჯილო (1967) |
| ნინა: | |
| ჯილდოეფი: |
ბრევეშ ბიბლიოთეკაშ პრემია (1964) |
ბიოგრაფია რედაქტირაფა
გილერმო კაბრერა ინფანტექ დებადჷ ნოღა ხიბარას. 1941 წანას ინფანტეეფიშ ფანიაქ ოცხოვრებშა ჰავანაშა გეგნორთჷ. გილერმოშ დიდა დო მუმა კუბაშ კომუნისტური პარტიაშ დუმარსხუაფალი-მაკათურეფი რდეს. გილერმო დუდშე მედიცინათ რდჷ დაინტერესებული მარა უკულიან პერიოდეფს ჭარალუათ დეინტერესჷ. 1950-იან წანეფს გურაფულენდჷ ჟურნალისტიკას ჰავანაშ უნივერსიტეტის. გილერმო კუბაშ ბატისტაშ რეჟიმიშ ოპონენტი დო კრიტიკოსი რდჷ. ჸათეშ გეშათ 1952 წანას ოჭოფეს დო ჭიჭე ხანით ჯიხას ქუდახუნეს. 1950-1960-იან წანეფს გილერმო ჭარუნდჷ კინო-ფილმეფიშ რივიუეფს, G. Caín-იშ ფსევდონიმით. კუბაშ რევოლუციაშ ბორჯის გილერმო ფიდელ კასტროს ალურდჷ. 1962-1965 წანეფს ბრიუსელს რდჷ დო კულტურული ატაშეთ მუშენდჷ. მალას კუბაშ ახალ თარობაწკჷმა პრობლემეფქ ქაშუ დო ემიგრაციაშა მიდართჷ დიო მადრიდიშა დო უკულ ლონდონშა. 1966 წანას გილერმოქ გჷმაბჟინუ თიში არძოშე უმოსო შინელი რომანი "სუმი მოწყინაფილი ნჯილო", ნამუქჷთ ავტორს დიდი პოპულარობა მოუღჷ. რომანს კრიტიკოსეფი ჯეიმზ ჯოისიშ ულისეს ხოლო ადარენდეს. გილერმო კაბრერა ინფანტეშ ჸათე რომანი მერჩქინელი რე ლათინოამერიკული ბუმიშ კლასიკათ. გილერმო რე სცენარიშ ავტორი 1971 წანას გინოღალირი შინელი ამერიკული ბოევიკიშ ჟანრიშ ოკულტე ფილმიშ "Vanishing Point". თაშნეშე გილერმო კაბრერა რე ავტორი შხვადოშხვა რომანეფიშ, ავტობიოგრაფიული ნოველეფიშ, ესსეეფიშ დო კუნტა თხობელუეფიშ. 1997 წანას გილერმო კაბრერას, ესპანეთიშ მაფა ხუან კარლოს I-ქ გინოჩჷ პრესტიჟული სერვანტესიშ პრემია. გილერმო კაბრერაქ ღურუ 2005 წანაშ 21 ფურთუთას, სეფსისით.
რესურსეფი ინტერნეტის რედაქტირაფა
- Alfred Mac Adam (Spring 1983). „Guillermo Cabrera Infante, The Art of Fiction No. 75“. The Paris Review Spring 1983 (87).
- Guillermo Cabrera Infante (in Spanish, part of Biografías y Vidas). Retrieved February 22, 2005.
- Guillermo Cabrera Infante (in Spanish, from a site about the Miguel de Cervantes Prize). Retrieved February 22, 2005.
- Guillermo Cabrera Infante (in Spanish, from LiteraturaCubana.com). Retrieved February 22, 2005.
- The Guillermo Cabrera Infante Papers are held at Princeton University Library, Special Collections.
- (ინგლისური) გილერმო კაბრერა ინფანტე — კინოფილმეფიშ ინტერნეტ მუნაჩემეფიშ ბაზას