მიგელ დე სერვანტესიშ პრემია (ესპ. Premio de Literatura en Lengua Castellana Miguel de Cervantes) — ლიტერატურული პრემია. პრემია გინმაჩამუ ჸეთი გიშარჩქინელ ავტორეფს, ნამუეფით ესპანური ნინაშა ჭარუნა. პრემიაქ დირსხუ 1975 წანას ესპანეთიშ კულტურაშ სამინისტროშ ინიციატივათ დო თინა შინელი ესპანარი ჭარუშ, დონ კიხოტიშ ავტორიშ მიგელ დე სერვანტესიშ ჯოხონობაშ რე. პრემიას მოჸუნს ფინანსური ჯილდო 125,000 ევროშ მუდანობათ. ენციკლოპედია ბრიტანიკაშ აზრით სერვანტესიშ პრემია რე არძაშე უმოსო პრესტიჟული ჟილდო ესპანურნინამ ლიტერატურას.

სერვანტესიშ პრემიაშ მენდალი

2021 წანას მუნაჩემეფით პრემიას ჸუნს 47 ლაურეატი. ჸათავრეშე სუმი ლაურეატი (ოქტავიო პასი, მარიო ვარგას ლიოსა, კამილო ხოსე სელა), თაშნეშე რე ნობელიშ პრემია ლაურეატი ლიტერატურაშ დარგის. მაართა ავტორი ნამუქჷთ მიპალუ სერვანტესიშ პრემია რდჷ ხორხე გილიენი, 1976 წანას. მაართა ოსური ლაურეატი რდჷ მარია სამბრანო. სერვანტესიშ პრემიაშ ლაურეატეფი რდეს გიშარჩქინელი ჭარუეფი: ალეხო კარპენტიერი, ხორხე ლუის ბორხესი, ოქტავიო პასი, ერნესტო საბატო, კარლოს ფუენტესი, აუგუსტო როა ბასტოსი, ადოლფო ბიოი კასარესი, მიგელ დელიბესი, მარიო ვარგას ლიოსა, კამილო ხოსე სელა, გილერმო კაბრერა ინფანტე, ალვარო მუტისი, გონსალო როხასი, ფერნანდო დელ პასო დო შხვეფი.

ლაურეატეფი ქიანეფიშ მეჯინათ (2021 წანაშ მუნაჩემეფით) რედაქტირაფა

აბანი ქიანა ლაურეატეფი
1   ესპანეთი 24
2   მექსიკა 6
3   არგენტინა 4
4   ჩილე 3
4   კუბა 3
4   ურუგვაი 3
7   კოლუმბია 1
7   ნიკარაგუა 1
7   პარაგვაი 1
7   პერუ 1
არძო 47

რესურსეფი ინტერნეტის რედაქტირაფა