გლადიატორი (2000 წანაშ ფილმი)
გლადიატორი (ინგლ. Gladiator) — 2000 წანაშ ისტორიული ეპიკური ფილმი, ნამუშ რეჟისორი რე რიდლი სკოტი დო სცენარიშ ავტორი — დევიდ ფრანცონი, ჯონ ლოგანი დო უილიამ ნიკოლსონი ფრანცონიშ თხობელუაშ ოსხირშა. ფილმს როლეფს არსულენა რასელ კროუ, ხოაკინ ფენიქსი, კონი ნილსენი, ოლივერ რიდი, დერეკ ჯეკობი, დჯიმონ ჰოუნსოუ დო რიჩარდ ჰარისი. კროუ ასახიერენს რომაალ გენერალ მაქსიმუს დეციმუს მერიდიუსის, ნამუსთ ღალატენა, მუჟანსჷთ კომოდუსი, იმპერატორ მარკუს ავრელიუსიშ ამბიციური ქომოლსკუა, ჸვილუნს მუმას დო ხვისტას იკენსჷნ. ჭკორალაშა გინოჸონაფილი მაქსიმუსიქ გჷნირთუ გლადიატორო დო გიშმურს არენაშა, ნამუქთ გჷნოჭყვიდუ ნჯარი გეშეღას მუში ფანიაშ დო იმპერატორიშ ჸვილუაშენ. ფილმს მეღებული აფჷ 5 ოსკარი.
| გლადიატორი | |
 | |
| ჟანრი: |
ისტორიული ფილმი |
|---|---|
| დუმადგჷმალი რეჟისორი: | |
| პროდიუსერი: |
დაგლას ვიკი, დევიდ ფრენზონი, ბრანკო ლუსტიგი |
| სცენარიშ ავტორი: |
დევიდ ფრანზონი, ჯონ ლოგანი, უილიამ ნიკოლსონი |
| თარ როლეფს: | |
| კომპოზიტორი: |
ჰანს ციმერი, ლიზა ჯერარდი, კლასუ ბადელტი |
| მონტაჟი: |
პიეტრო სკალია |
| კინოსტუდია: |
Scott Free Productions |
| გჷშულაშ თარიღი: | |
| ხანგჷნძარალა: |
155 წთ. |
| ქიანა | |
| ნინა: | |
| მუშნალი: |
457 მლნ ააშ დოლარი |
.svg){kind=small}
სცენარი, ნამუთ დუდშე ფრანცონიშით რდჷ ჭარილინ, გაულა იღვენუ 1958 წანაშ დენიელ პ. მანიქსიშ რომანქ — მაღურუეფი. სცენარი DreamWorks Pictures-ქ ქიჸიდჷ დო რიდლი სკოტიქ მაჭარჷ ხე ფილმიშ რეჟისორალას. თარი გინოღალეფქ დიჭყჷ 1999 წანაშ ღურთუთას დო გეთუ თიმ წანაშ მესის. წარმებაშ თებაქ გიძნელჷ სცენარიშ ანდაშა გინოჭარუათ დო ოლივერ რიდიშ ღურაშ გეშა.
გლადიატორიშ მოსოფელიშ პრემიერაქ იმანჷ ლოს-ანჯელესის, კალიფორნიას, 2000 წანაშ 1 მესის. 2000 წანაშ 5 მესის, DreamWorks-იქ გიშაშქჷ ფილმი ააშ-ს დო 2000 წლის 12 მესის, Universal Pictures-იქ ერეფოშქაშე მასშტაბით. ფილმქ მიპალჷ $465,4 მილიონი მოსოფელიშ მასშტაბით, გჷნირთუ მაჟირა არძაშე მიშნაველამ ფილმო 2000 წანას დო მიპალჷ ოსკარიშ ხუთი ჯილდო, თინეფს შქას საუჯგუშო სურათიშო დო რასელ კროუშით რსულებური როლიშ საუჯგუშო არტისტიშენ. ფილმიშ გოგჷნძორაფა, გლადიატორი II-ქ, 2024 წანაშ გერგობათუთას გიშართჷ.
სიუჟეტი
რედაქტირაფაქიმინჯალა მეურს ჩქინი წანაშეკოროცხუაშე 180 წანას. მარკუს ავრელიუსიშ ლეგიონეფი იზადებჷნა გერმანალ ბარბაროსეფწკჷმა მალიმორო. ვართ იმპერატორს დო ვართ გენერალ მაქსიმუსის ვაკო ზისხირიშ დობუნა, მარა ნტერი ვეშმეგუებუ მუშ ქიანაშ ჭკორალას დო ტყაშე ჯარი გიშმაჸუნა. დიდხანიანი, კონწარი ლჷმაშ უკულ რომაალეფი იმორძგვენა.
თე ბორჯიშო რომაალეფიშ ბანაკეფშა ქიმულა მარკუს ავრელიუსიშ სქუალეფი კომოდუსი დო ლუცილა. კომოდუსი ფირქენს, ნამჷ-და თიშ რჩინ მუმას მაფობა თის ოკო გჷნოჩასჷნ. ვარინ მარკუს ავრელიუსის მაფობაშ გჷნოჩამა მაქსიმუსშა ოკო, მუშენ-და თის შეულებჷ რომს ჯვეში დიდება დურთინუასჷნ. მაქსიმუსის ვაკო მაფობა, თის უბრალოთ მუშ ფანიაშა დორთა ოკო, მარა მაფას ბონ გამას ვაუწინს დო მაფირქებელო ბორჯის თხულენს. თე ამბეშ გაგებაშ უკული, კომოდუსი ბალიშით დაშქვიდუანს მუამუშის დო მალიმორეფს უზოჯუნს მაქსიმუსიშ ჸვილუას, მარა გენერალი რტებას შილებუანს, მორო დიჭკირუ.
გენერალ მიანჭაფუ ჸუდეს, მარა ჸუდე გჷნოჭვილი დო ჩილ-სქუა ხეცურო ჸვილირჷ დოხვადუ. ჩილ-სქუაშ ჸვილუაშ უკულ, ნჭყოლირი მაქსიმუსი გონებას მიოდინუანს დო ჭკორმოღვენჯეეფიშ ხეს ქჷმოხვადუ. მაქსიმუსის გლადიატორო გჷნართინუანა დო რომს ვითოშობათ კათაშ თოლწიმი ლჷმას აძვილენა. მალას თიშ ომალიმორე ხელობა ჯოხოს ქჷმუღანს.
თე ბორჯის, რომშა მოურს კომოდუსი, ნამუსჷთ ვართ კათას დო ვართ სენატის ავტორიტეტი ვაუღუნ. კათაშ ჸოროფაშ მიოღებელო თინა აკმადგინანს ძვირასღირაფილ ჟირლჷმეფს დო კათას ქობალს ურიგენს, მუთ საართო ჯამს რომიშ ეკონომიკას დაადაღერენს. მაფა ქჷდიჭყანს გლადიატორეფიშ შაყარუას, თინეფ შქას მალას მაქსიმუს ხოლო იჸი. მაართა ლჷმას გენერალი იმპერატორიშ ყურადგენას ქიმიკათუანს. მაფაშ წიმი მაქსიმუსი მუშ თახმ ჯოხოს ქოთქუანს დო შურიშგაფაშ პიჯალას მეჩანს. კომოდუსი ვაბედჷ თიშ ჸვილუას, თიშ გეშა ნამჷ-და კათას უჸორს მაქსიმუსი დო თიშ ღურათ თინა არყებას გჷმიჭანუანს. მუსხირენ ლჷმაშ უკულ კათა ჸოფილ გენერალს „რომიშ გინმასქილიდარს" გიოდვანს.
სენატი დო ლუცილა მაქსიმუსიშ მოხვარათ კომოდუსიშ სააწმარენჯო არყებაშ მონწყუალას ოცადჷნა, მარა იმპერატორი ირფელს ქიგეგენს დო არყებაშ მაკათურეფს დოჸვილჷნს, მაქსიმუსის აფხას დონჭყოლჷნს დო ნანჭყოლას არენაშა მუწკჷმა ომალიმორო გიშეჸუნანს. კოლიზეუმს ლჷმაშ ბორჯის კომოდუსი დოღურუ, მარა მაქსიმუს ხოლო ზისხირშე დიჩოლუ. მაქსიმუსიშ ღურაშ უკული ლუცილა კათას უწინს „ქოღირუნო რომი თიშ თელარაშო?".
ფილმი მაქსიმუსიშ მაჸალე გლადიატორიშ ზიტყვეფით ითებუ „ჩქი კინ ქეშეფხვადუთ, ჩქიმ მაჸალე, მარა ასე ვარ..."
როლეფს
რედაქტირაფა- რასელ კროუ – მაქსიმუსი
- ხოაკინ ფენიქსი – კომოდუსი
- კონი ნილსენი – ლუცილა
- დჯიმონ ჰოუნსოუ – ჯუბა
- ოლივერ რიდი – პრიკსიმო
- რიჩარდ ჰარისი – მარკუს ავრელიუსი
- ტომი ფლანაგანი – ციცერონი
ჯილდოეფი
რედაქტირაფაოსკარი
- უუჯგუშაში ფილმი
- უუჯგუშაში არტისტი ქომოლი: რასელ ქროუ
- უუჯგუშაში კოსტუმეფიშ დიზაინი: ჯანტი იატესი
- უუჯგუშაში ეფექტეფი
- უუჯგუშაში ხონარი: ბობ ბიმერი, სკოტ მილანი, კენ ვესტონი
ორქოშ გლობუსი
BAFTA
- უუჯგუშაში ფილმი
- უუჯგუშაში მონტაჟი: პიეტრო სკალია
- უუჯგუშაში დიზაინი: არტურ მაქსი
- უუჯგუშაში ოპერატურა: ჯონ მატიესონი