ედვინ კლებსი
თეოდორ ალბრეხტ ედვინ კლებსი (გერმ. Theodor Albrecht Edwin Klebs; დ. 6 ფურთუთა, 1834, კენიგსბერგი, პრუსიაშ ომაფე — ღ. 23 გჷმათუთა, 1913, ბერნი, შვეიცარია) — გერმანალი პათოლოგი დო მიკრობიოლოგი, უმოსო გურაფულენდჷ ინფექციურ ლახარეფს. კლებსი რდჷ მაართა მენცარი, ნამუქჷთ აკეთჷ Corynebacterium diphtheriae-შ, დიფტერიაშ გჷმმაჭანაფალი ბაქტერიაშ იდენტიფიკაცია. ჸათე ბაქტერიას კლებს-ლეფლერიშ ბაცილას ხოლო უძახუნა.
| ედვინ კლებსი | |
| გერმ. Edwin Klebs | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 23, 1913 (79 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ბერნიშ უნივერსიტეტი |
| ალმა-მატერი: |
ვიურცბურგიშ უნივერსიტეტი |
| ომენცარე ხემანჯღვერი: | |
| ჯოხოშინელი მოგურაფეეფი: | |
ბიოგრაფია
რედაქტირაფაედვინ კლებსიქ დებადჷ 1834 წანაშ 6 ფურთუთას, კენიგსბერგის. გურაფულენდჷ ვიურცბურგიშ უნივერსიტეტის, რუდოლფ ვირხოვიშ ხემანჯღვერობათ. 1858 წანას კლებსიქ მიპალუ მენცარობაშ დოქტორიშ ხარისხი ბერლინიშ უნივერსიტეტიშე. ბერლინიშ უნივერსიტეტიშ უკულ გურაფა გაგინძორჷ კენიგსბერგიშ უნივერსიტეტის. 1861 წანაშე ედვინ კლებსი რდჷ ვირხოვიშ ასისტენტი შარიტე ჰოსპიტალს, ბერლინს. 1866 წანას კლებსიქ მუშობა ქიდიჭყჷ ბერნიშ უნივერსიტეტის, შვეიცარიას, პათოლოგიაშ პროფესორო. საფრანგეთ-პრუსიაშ ლჷმაშ ბორჯის კლებსი ოკათუდჷ პრუსიაშ არმიას, ოურდუმე ექიმო. 1872-1873 წანეფს კლებსი მუშენდჷ ვიურცბურგიშ უნივერსიტეტის, 1873-1882 წანეფს კლებსი ოგურუანდჷ კარლიშ უნივერსიტეტის (პრაღა), 1882-1892 წანეფს რდჷ ციურიხიშ უნივერსიტეტიშ პროფესორი. 1893 წანას კლებსიქ კოლეგეფწკჷმა კონფლიქტიშ გეშა ციურიხიშ უნივერსიტეტი ქიდიტუ დო ქიდიჭყჷ კერძო ბიზნესი დიო კარლსრუეს დო უკულ სტრასბურგის. 1896 წანას კლებსიქ ამერიკაშა მიდართჷ დო მუშობა ქიდიჭყჷ რაშიშ მედიცინაშ კოლეჯის, ჩიკაგოს. მალას კინ შვეიცარიაშა დირთჷ, სოდეთ დიო ლოზანას ცხოვრენდჷ დო უკულ ბერნის. კლებსიქ ღურუ 1913 წანაშ 23 გჷმათუთას, 79 წანერქ.
მენცარული რკვიებეფი
რედაქტირაფა1883 წანას ედვინ კლებსიქ აკეთჷ Corynebacterium diphtheriae-შ, დიფტერიაშ გჷმმაჭანაფალი ბაქტერიაშ იდენტიფიკაცია. კლებსიქ შხვა გიშარჩქინელ მენცარეფიშე უმოს ადრე გიმირკვიუ შხვადოშხვა ლახარეფი. კლებსიქ 1884 წანას გიმირკვიუ დო ეჭარუ აკრომეგალია პიერ მარიშე ჟირ წანათ ადრე. 1878 წანას კლებსიქ მაიმუნეფიშ ორგანიზმიშა სიფილისიშ ბაქტერია გემშეჸონჷ, ილია მეჩნიკოვიშე დო ემილ რუშე 25 წანათ ადრე. ედვინ კლებსიქ აკეთჷ ბაქტერიეფიშ კოლონიეფიშ იზოლაცია რობერტ კოხიშე ჩხორო წანათ ადრე. კლებსი რდჷ მაართა მენცარი, ნამუქჷთ შელებუ ტუბერკულოზიშ გჷმოჭანაფა ექსპერიმენტეფიშ გიმორინაფათ. კლებსიქ აკეთჷ ტიფიშ ბაცილაშ იდენტიფიკაცია კარლ იოზეფ ებერტიშე უმოს ადრე. კლებსის მენცარული ჩილათეფი ხოლო უღუდჷ. კლებსი ანტკიცენდჷ ნამდა მალარიაშ ბაძაძი ბაქტერია რდჷ. კლებსიშ აზრით ჸათე ბაქტერია რდჷ Bacillus malariae. 1880 წანას ფრანგი შარლ ლუი ალფონს ლავერანიქ ოძირუ ნამდა მალარიაშ ბაძაძი რდჷ პარაზიტი, ნამუსჷთ ლავერანქ გიოდჷ Oscillaria malariae (ასეიან ჯოხო - Plasmodium falciparum). ლავერანიშ იდეას მენცარეფქ იგნორირაფა გუკეთეს. უკულ 1881 წანას ამერიკალ ჯორჯ მილერ სტერნბერგიქ, ოძირუ ნამდა მალარიაშ ბაძაძი რდჷ პარაზიტი დო ვართ ბაქტერია.
რესურსეფი ინტერნეტის
რედაქტირაფა- Bio at the University of Würzburg Archived 2016-02-10 ვებ-ხასჷლას Wayback Machine.
- Biography at Encyclopædia Britannica