ედინბურგიშოტლანდიაშ ნანანოღა. მახორობაშ მუდანობათ ედინბურგი შოტლანდიას ხვალე გლაზგოს კჷნასქიდუ დო დიდი ბრიტანეთის თე ნოღას მაშკვითა აბანი უკინებჷ. ნოღა ედინბურგიშ მუნიციპალური სხუნუ, რე შოტლანდიაშ 32 აბანობური თარობაშ შოტლანდიაშ ადმინისტრაციული მართუალაშ სხუნუშე ართ-ართი. ედინბურგიშ მუნიციპალური სხუნუშ ტერიტორიაშა ნოღა ედინბურგწკჷმა ართო მიშმურს, თიშ ელჷ-მოლჷს ჸოფილი ურბანული ტერიტორიათ, ედომუშამო 78 კმ².

ნოღა
ედინბურგი

Edinburgh

ქიანა გოართოიანაფილი ომაფე
ქიანა შოტლანდია
კოორდინატეფი 55°56′58″ ო. გ. 3°09′37″ ბდ. გ.
დირსხუ VII ოშწანურა
ნოღა 1889 წანაშე
ფართობი 259 კმ²
მახორობა 477,660 კოჩი (2009)
მეჭედალა 1,844 კოჩი/კმ²
ბორჯიშ ორტყაფუ UTC+0, ზარხულც UTC+1
ტელ.კოდი 0131
ოფოსტე ინდექსი EH
ოფიციალური საიტი http://www.edinburgh.gov.uk
იუნესკოშ შილა მოსოფელიშ მონძალა
UNESCO, ობიექტი № 728
რუს.ინგლ.ფრ.

ნოღა იდვალუაფუ ობჟათე-ბჟაეიოლ შოტლანდიას, ნორვეგიაშ ზუღაშ პიჯიშ ზოლს. ედინბურგის რე გჷშაკერძაფილი არქიტექტურა, მუშ გეშათ თე დოხორინი ევროპას ართ-ართი უსქვამაშ ნოღათ იკოროცხუ. თაქი იდვალუაფუ შოტლანდიაშ პარლამენტიშ ნოდგჷმი. შოტლანდიაშ ადმინისტრაციული ცენტრიშ ტერიტორიას რე ედინბურგიშ უნივერსიტეტი. ნოღა ირთუ ჟირი ნორთო ჯვეში დო ახალ ედინბურგო. 1995 წანას იუნესკოქ თე ტერიტორია მოსოფელიშ მონძალაშ ობიექტეფიშ ერკებულშა მიშეჸონჷ. 2009 წანას ეჭარუაშ მოღალუთ, თაქ ოხორანდჷ 477,660 კოჩი.

ედინბრუგის ირწანურო იმანჯუ ბრელი ფესტივალი. თე დოხორინს ირწანურო ბრელი ტურისტი ოსურჷ, ტურისტეფიშ მუდანობაშ განშე ედინბურგის ნოღა ლონდონიშ უკული გოართამაფილი ომაფეს მაჟირა აბანი უკინებჷ.

რესურსეფი ინტერნეტის რედაქტირაფა


  ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.