ეზრა პაუნდი
ეზრა ვესტონ ლუმის პაუნდი (ინგლ. Ezra Weston Loomis Pound; დ. 30 გჷმათუთა, 1885, ჰეილი, აიდაჰო, ააშ — ღ. 1 გერგობათუთა, 1972, ვენეცია, იტალია) — ამერიკალი პოეტი დო ლიტერატურული კრიტიკოსი, მოდერნისტული პოეზიაშ ართ-ართი უდიდაში ორდოიანი წჷმმარინაფალი. რე ავტორი შხვადოშხვა ლერსეფიშ, პოემეფიშ დო პოეტური კათელეფიშ. თიში შანულამი ნახანდეფიშე ეიოშანალიე: კათელი "გამეფი", პოემეფი "ჰიუ სელვინ მობერლი" დო "კანტოსი". მაჟირა მოსოფელიშ ლჷმაშ ბორჯის, პაუნდი რდჷ ფაშისტეფიშ კოლაბორაციონისტი.
| ეზრა პაუნდი | |
 ეზრა პაუნდი 1963 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გერგობათუთა 1, 1972 (87 წანერი) |
| ღურაშ აბანი: | |
| ერუანობა: | |
| საქვარუა: | |
| Magnum opus: |
|
| ნინა: | |
| ჯილდოეფი: |
ბოლინგენიშ პრემია (1948) |
გურაფულენდჷ პენსილვანიაშ უნივერსიტეტის. უკულ გურაფა გაგინძორჷ ჰამილტონიშ კოლეჯის, ნიუ-იორკის. პოეზიათ ორდოიანი წანეფიშე დეინტერესჷ. მაეჩა ოშწანურაშ დაჭყაფუშე რდჷ ლიტერატურული მიმალობა იმაჯიზმიშ ართ-ართი ლიდერი კონტრიბუტორი. 1920-იან წანეფიშე პაუნდი ევროპას ცხოვრენდჷ.
მაართა მოსოფელიშ ლჷმაშ უკულ, აკრიტიკენდჷ ფინანსური კაპიტალიზმის დო თის არძო უბედრობაშ ბაძაძო თვალუნდჷ. 1924 წანას პაუნდიქ ოცხოვრებშა იტალიაშა გეგნორთჷ. ჸათაქ თიქ, 1930-იან დო 1940-იან წანეფს მიშეღჷ დიდი თია სოციალური კრედიტიშ თეორიაშ პოპულარიზაციაშა. იტალიაშ დო გერმანიაშ თარობეფიშა მუსოლინიშ დო ჰიტლერიშ მულაშ უკულ, ფაშისტეფს ალურდჷ დო რდჷ თინეფიშ იდეეფიშ პროპონენტი. მაჟირა მოსოფელიშ ლჷმაშ ბორჯის, მუში რადიო გინოჩამეფს, პაუნდი აკრიტიკენდჷ ამერიკას, ბრიტანეთის, საირქიანო ფინანსურ სისტემას, ურიეფს დო თინეფს ლჷმაშ გაგინძორაფას აბრალუაფუდჷ.
1945 წანას პაუნდი ამერიკალეფქ ოჭოფეს დო გეგნიონეს პიზაშ ოურდუმე ბანაკიშა. უკულ ამერიკაშა გეგნიონეს, სოდეთ 12 წანას ჯანუდჷ ვაშინგტონიშ წიმინდე ელიზაბეტიშ ფსიქიატრიულ კლინიკას. კლინიკაშე 1958 წანას გეგშაჭარეს. პაუნდიქ მალას კინ იტალიაშა დირთჷ, სოდეთ ღურაშახ ცხოვრენდჷ.
რესურსეფი ინტერნეტის
რედაქტირაფა- The Ezra Pound Society
- ეზრა პაუნდი - ნახანდეფი პროექტ „გუტენბერგის“
- Biographies, biographical accounts, and memoirs of Ezra Pound. The Ezra Pound Society.
- Ezra Pound's letters. The Ezra Pound Society.
- "Ezra Pound collection". Simon Fraser University.
- "Ezra Pound collection, 1911–1920". Emory University.
- Ezra Pound papers, 1915–1959. Columbia University Libraries.
- "Ezra Pound". Federal Bureau of Investigation.