ეპიდემია
ეპიდემია — კონწარი ინფექციური ლახარაშ ბიწორი დო ფართო მოდვალა მუსხირენ რეგიონშა დო ქიანაშა.[1] ეპიდემიაშ გოფაჩუას ხეს უნწყუნს ლჷმა, შქირენა, გლახა სანიტარული პიჯალეფი დო შხვა. ეპიდემიეფი იფაჩჷ ჰეერ-ჭვათამი, ჸოფურ-კონტაქტური რზათ, წყარით, ოჭკომალით დო შხვა. შხუმასშტაბიშ ეპიდემიას პანდემია ჯოხო. ეპიდემიაშ გორჩქინას, გოფაჩუას დო თიშ სააწმარწჯო ბურჯაფიშ ოქიმინალეფს დჷთმიგურუანს ეპიდემიოლოგია.[2]
ეპიდემიაშ მაართა ეჭარუათ მირჩქინუაფჷ თუკიდიდეშით ათენს უჩა ჭირიშ ეჭარუა. XIX ოშწანურას, ინგლისარი ექიმქ ჯონ სნოუქ ქჷდიგურჷ ლონდონს ქოლერაშ ეპიდემიაშ ბაძაძეფი დო გოფაჩუა. 1880-იან წანეფშე მიკრობიოლოგიურ მეგორაფაქ, პასტერიშ, კოხიშ, მეჩნიკოვიშ, ერლიხიშ გჷმორკუალეფქ დანტკიცჷ, ნამჷ-და უმენტაში ეპიდემიური ლახარა ინფექციური ორთაშ მაღელი რდჷნ.