ლახარა
ლახარა თაშნეშე ლახალა — პათოლოგიური დგომარობა, ნამუთ გაულას იღვენუანს ორგანიზმიშა. მუჟანსჷთ ადამიერს ნამდგაინი ლახარა ქაღოლენ, თიში ორგანიზმის გარკვიული თირუეფი მუთმოხვადუ, შხირას — უსიამნე. ადამიერი შილებე დალახებური ორდას ვარ-და უკული დელახას ტრავმაშ, ინფექციაშ, ვარ-და შხვა ბაძაძიშ გეშა. ლახარა შხვადოშხვანერი რე, დოჭყაფილი თიჯგურა მონკა დალახებეფით, მუჭომით რე შიდსი დო თებული რჩქვანელობური გორგილაფათ. კანკალე ლახარა, სამანგათ დიაბეტი, პოტენციურო ოშქურანჯი რე, მარა მანგური კურნალუაშ შვანს ორგანიზმის კაბეტი გავალი ვემიოდირთჷ.
ინფექციური ლახარეფი
რედაქტირაფაანდა ლახარა ინფექციური რე. თენა შანენს, ნამჷ-და თინეფიშ გჷმმაჭანაფალი მიკროორგანიზმეფი ჰეერით (ჰეერ-ჭვათით) დო ფიზიკური კონტაქტით გინმურს ადამიერშე ადამიერშა. თეჯგურა მიკროორგანიზმეფს ორხველჷნა ბაქტერია, ვირუსი, პრიონი და სოკო.
ბაქტერიეფით გჷმოჭანაფილი ლახარეფი რე: მუშჸურე მოწამალუა, ტუბერკულოზი, ტეტანუსი დო ხეხილიშ ლახარა. ბაქტერიეფს ანტისეპტიკური პრეპარატეფით დო ანტიბიოტიკეფით ობურჯჷნა. კანკალე ბაქტერიაშე დუდთხილუა წიმიწორე აცრაშით შილებე. თეჯგურა თხილუას იმუნიზაცია ჯოხო.
ვირუსი მუსხირენ ლახარას გიმიჭანუანს, თინეფს შქას — შიდსის, ჸალას, წითელეს, წიფრას, გრიპის დო რჩქვანელობურ გორგილაფას. ვირუსულ ლახარას ანტიბიოტიკეფი ვახვარჷ, საგამათ ათე შვანს ანტივირუსული პრეპარატეფი გიმირინუაფუ.
პრიონი ბაქტერიაშედო ვირუსიშე უმოსი მორჩილი რე დო ხვალე ცილეფშე აკმოდირთუ. მენცარეფიშ არზით, პრიონეფი გიმიჭანუანა ჩხოუშ ჸალას, ნამუქთ შილებე დალახებური ორინჯიშე ადამიერშათ გეგნორთასჷნ.
სოკო ადამიერს გიმიჭანუანს მიკოზის, სურსუს[en] დო შხვა ლახარეფს, შხუ ქალამი ორინჯი ჩორქოეფიშ ჸორადუას დო ცანარეფიშ ანდა ლახარას. სოკოვან ლახარეფს საგარძახო კაკილი წამალეფით დო მაშუშეფით ოსქილიდუანა, ნამუეფჷთ სოკოს გეთმიოდინუანა.
ეპიდემია
რედაქტირაფაკანაკლეშა ართნერი აბანს ანდა ადამიერს ართბორჯულო ქაღოლე ართნერი ლახარა. თეს ეპიდემია ჯოხო. თიჯგურა ლახარეფიშ ეპიდემია, მუჭომით რე ხოლერა დო ტიფა, თინწკჷმა რჩქინდუ, მუჟანსჷთ ადამიერეფი მიკრობეფით დალახებურ წყარს შუნა ვარ-და ოჩამურს ჭკომჷნან, წითელეშ დო გრიპიშ ეპიდემიაშ გჷმმაჭანაფალი ვირუსეფი — ხვალუათ, ჩიონუათ ვარ-და დალახებულწკჷმა არხო ფიზიკური კონტაქტით გინმურს.
