ვეზერი
ვეზერი (ფრანგ. Vézère) — წყარმალუ ობჟათე-ბჟადალ საფრანგეთის, წყარმალუ დორდონიშ მარძგვანი ნადუ, ნამუსჷთ ბიუგეშ კომუნაწკჷმა აკათუ. მუში სიგჷ 211 კილომეტრი რე. ოდუდეს ეჭოფუნს ცენტრალური მასივიშ ობჟათე-ბჟადალ ნორთის. ვეზერიშ თარი ნადუ რე კორეზე.
ვეზერიშ ლეხერი ჩინებული რე მუში ფოქვეფიშ სისტემათ, ნამუეფით იკათუანს კჷრდეშ ხანტუობაშ მიარე მინუშის დო ჰომინიდეფიშ ნოსქილედეფს თაქნე იდვალუაფუ ლასკოშ ფათქვი ხოლო. 1979 წანას, იუნესკოქ ვეზერიშ ფოქვეფიშ სისტემა მოსოფელიშ მონძალაშ ობიექტეფიშ ერკებულშა გემშეღჷ.