ვერნერ ფონ ბრაუნი

ვერნერ მაგნუს მაქსიმილიან ფრაიჰერ ფონ ბრაუნი (გერმ. Wernher Magnus Maximilian Freiherr von Braun; დ. 23 მელახი, 1912, ვიჟისკი, პრუსია, გერმანიაშ იმპერია — ღ. 16 მანგი, 1977, ალექსანდრია, ვირჯინია, ააშ) — გერმანალი-ამერიკალი მენცარი. რდჷ ნაციონალ-სოციალისტური გერმანული მუშეფიშ პარტიაშ დო შუცშტაფელიშ (SS) მაკათური, თაშნეშე გერმანული რაკეტული ტექნოლოგიეფიშ გოვითარაფაშ თარი ფიგურა დო ამერიკული კოსმოსური დო რაკეტული ტექნოლოგიეფიშ პიონერი.

ვერნერ ფონ ბრაუნი
გერმ. Wernher von Braun
Wernher von Braun 1960.jpg
ვერნერ ფონ ბრაუნი 1960 წანას
დაბადებაშ თარიღი:

23 მელახი, 1912

დაბადებაშ აბანი:

ვიჟისკი, პრუსია, გერმანიაშ იმპერია

ღურაშ თარიღი:

მანგი 16, 1977 (65 წანერი)

ღურაშ აბანი:

ალექსანდრია, ვირჯინია, ააშ

მენოღალობა:

Flag of Germany (1935–1945).svg გერმანია
ამერიკაშ აკოართაფილი შტატეფიშ შილა ააშ

ომენცარე სფერო:

აეროკოსმოსური ტექნიკა
კოსმოსური არქიტექტურა

სამუშაშ აბანი :

ვერმახტი
ამერიკაშ არმიაშ ბალისტიკური რაკეტეფიშ ოაგენტე
რედსტოუნიშ არსენალი
ნასა

ალმა-მატერი:

ბერლინიშ ტექნიკური უნივერსიტეტი
ბერლინიშ ფრიდრიხ ვილჰელმიშ უნივერსიტეტი

ომენცარე ხემანჯღვერი:

ერიხ შუმანი

ჯილდოეფი დო პრემიეფი:

ელიოტ კრესონიშ მენდალი (1962)
ლენგლიშ ორქოშ მენდალი (1967)
ვილჰელმ ექსნერიშ მენდალი (1969)
მენცარობაშ ერუანული მენდალი (1975)

ხეშმოჭარუა:

VonBraun-sig.png

ვერნერ ფონ ბრაუნი გურაფულენდჷ მექანიკურ ინჟინერიას ბერლინიშ ტექნიკურ უნივერსიტეტის, ნამუთ გათუ 1932 წანას. ბრაუნიქ უკულ გურაფა გაგინძორჷ ბერლინიშ ფრიდრიხ ვილჰელმიშ უნივერსიტეტის, სოდეთ მიპალუ დოქტორიშ ხარისხი ფიზიკას 1934 წანას. ბრაუნი ართ პერიოდის, 1931 წანაშ მანგიშე გჷმათუთაშა, გურაფულენდჷ ციურიხიშ ფედერალური ტექნოლოგიეფიშ ინსტიტუტის ხოლო. გურაფაშ თებაშ უკული 1930-იან დო 1940-იან წანეფს ბრაუნი მუშენდჷ გერმანიაშ რაკეტეფიშ გოვითარაფაშ პროგრამაშო. მაჟირა მოსოფელიშ ლჷმაშ ბორჯის, ბრაუნიშ ინიციატივათ დო დიზაინით იკეთინჷ მოსოფელიშ მაართა ბალისტიკური რაკეტა ფაუ-2-ქ. მაჟირა მოსოფელიშ ლჷმაშ უკულ, ამერიკალეფქ ბრაუნი ოჭოფეს დო მუში ბუნაწკჷმა ართო, დოხოლაფირო 1600 მენცარი დო შხვა პერსონალი, ამერიკაშა მიდეჸონეს. ამერიკას, ბრაუნიქ ქიდიჭყჷ ოშქაშე რადიუსიშ ბალისტიკური რაკეტეფიშ გოვითარაფა. ბრაუნიქ ეიოგჷ რაკეტა ნამუქჷთ 1958 წანას კოსმოსიშა გიშეჸონჷ ხელუანური ალმაშარე Explorer 1. 1960 წანაშე ბრაუნი დო თიში ბუნა ნასას მუშენდეს. ჸათაქ ბრაუნი რდჷ მარშალიშ კოსმოსური ცენტრიშ დირექტორი დო ლონჩერიშ (launch vehicle) სატურნ V-შ თარი არქიტექტორი.

ვერნერ ფონ ბრაუნი რდჷ შხვადოშხვა პრემიეფიშ დო ჯილდოეფიშ ლაურეატი. 1967 წანაშე ბრაუნი რდჷ ამერიკაშ ინჟინერიაშ ასოციაციაშ მაკათური. 1962 წანას მიპალუ ელიოტ კრესონიშ მენდალი დო 1975 წანაშ მენცარობაშ ერუანული მენდალი.

ვერნერ ფონ ბრაუნი მერჩქინელი რე კოსმოსური შარალუაშ მუმათ, რაკეტული ტექნოლოგიეფიშ მუმათ დო ამერიკაშ თუთაშ პროგრამაშ მუმათ. ფონ ბრაუნი თაშნეშე რდჷ პლანეტა მოროხიშ კოლონიზაციაშ პროპონენტი.

რესურსეფი ინტერნეტისრედაქტირაფა

ვიკიოწკარუეს? რე ხასჷლა თემაშენ: