ვლადიმირიშ ოლქი

ვლადიმირიშ ოლქი (რუს. Влади́мирская о́бласть) — რუსეთიშ ფედერაციაშ სუბიექტი (ოლქი), ნამუთ ცენტრალურ ფედერალური ოკრუგიშ აკოდგინალუაშა მიშურს.

• ვლადიმირიშ ოლქი მოსკოვიშ, იაროსლავლიშ, რიაზანიშ დო ნიჟნი-ნოვგოროდიშ ოლქეფს უხურგანს.
• ფართობი — 29 084 კმ²
• მახორობა — 1 358 538 ადამიერი (2020 წანაშ მუნაჩემეფით)
• ოლქიშ ადმინისტრაციული ცენტრი — ნოღა ვლადიმირი, მოსკოვშახ მეძჷ 190 კმ.
• ოლქიქ გიჭყჷ 1944 წანაშ 14 მარაშინათუთას.

ვლადიმირიშ ოლქი
რუს. Владимирская область

გერბი	შილა
ქიანა	რუსეთი
სტატუსი	ფედერაციაშ სუბიექტი
მიშმურს	ცენტრალურ ფედერალური ოკრუგშა
ადმინ. ცენტრი	ვლადიმირი
შხუ ნოღა	ვლადიმირი
შხუ ნოღეფი	კოვროვი, მურომი
დორსხუაფაშ თარიღი	1944 წანაშ 14 მარაშინათუთა
მადუდე	გუბერნატორი: ვლადიმირ სილიაგინი
ედპ (2017) ედპ ართ შურ მახორუშე	415,6 მლრდ. რუბ.  (40-ა) 300,3 ვთშ. რუბ.
ოფიც. ნინა	რუსული
მახორობა (2020)	1 358 538 (32-ა აბანი)
მეჭედალა	46,71 კოჩი/კმ²
ფართობი	29 084 კმ² (64-ა აბანი)
ბორჯიშ ორტყაფუ	UTC+3
აბრევიატურა	RU-VLA
ოფიციალური ვებ-ხასჷლა
	Vladimir Oblast
	ჯილდო:

გეოგრაფია

ვლადიმირიშ ოლქი რუსეთიშ ევროპულ ნორთის იდვალუაფჷ, ვოლგა-ოკაშ შქაწყარმალონაშ ობჟათეშე იდვალუაფჷ. ოლქიშ სიგჷრძა ოორუეშე ბჟადალშა — 170 კმ, ბჟადალშე ბჟაეილშა — 280 კმ.

კლიმატი

ოლქიშ ჰეერი ზჷმიერო კონტინენტური რე, 0 °C-იშ გიმე ტემერატურაშ დღა-სერიშ ხანგჷრძალა 137 დღა რე, ოშქაშე წანმოწანური ტემპერატურა 5 °C რე (სტანდარტული ჩილათა 12 °C), ღურთუთაშ ოშქაშე ტემპერატურა −13 °C, კვირკვეში — +19 °C, თირიშ ოშქაშე სისქა 40 მმ რე (მეხოლაფირო 144 დღას ძჷ). ნოლექეფიშ ოშქაშე წანმოწანური მუდანობა 420—740 მმ რე, ვეგეტაციური პერიოდიშ ხანგჷრძალა 160-180 დღა რე.

რეგიონიშ ისტორია

მეგორაფილი რე ადამიერიშ დგიმი - "სინგირი" - ჟილენი პალეოლითიშ ბორჯიშე (დოხოლ. 25 ვითოში წანაშ კინოხ ჩქინ ერაშახ). მურომიშ არქეოლოგიური გონთხორუეფით თე დიხეფიშ ფინო-უგორული ნოგორი იდასურებჷ. შქა ოშწანირეფშე თე ტერიტორიეფს უკვე რუსეფი იკენა.

მახორობა

• მახორობა — 1 358 538 ადამიერი (2020), (1 449 500 ადამიერი, ღურთუთა 2008; 1472,6 — 2006; 1487,2 — 2005)
• მახორობაშ მეჭედალა: 49,8 ადამ./კმ² (ღურთუთა 2008)
• ნოღაშ მახორობაშ თია: 77,8 % (ღურთუთა 2008) (77,5 % — (2006) 78,5 % — (2005))

ერუანობა	მახორობა 2002 წანა, ვთშ. (* Archived 2011-10-10 ვებ-ხასჷლას Wayback Machine. )
რუსეფი	1443,9
უკრაინალეფი	16,8
თათარეფი	8,7
ბელარუსეფი	5,7
სომეხეფი	5,0
მორდვალეფი	3,6
აზერბაიჯანალეფი	3,1
ჩუვაშეფი	2,3
ჩაჩანეფი	2,3
მოლდავარეფი	2,1
გერმანალეფი	1,4
ქორთუეფი	1,0
მარიალეფი	1,0
მოჩამილი ერუანებეფიშ მუდანობა 1000 ადამიერშე უმოსი რე

რესურსეფი ინტერნეტის

• ვლადიმირიშ ოლქიშ ოფიციალური ვებ-ხასჷლა Archived 2009-02-11 ვებ-ხასჷლას Wayback Machine.
• Официальный сервер города Владимира и Владимирской области Archived 2009-01-30 ვებ-ხასჷლას Wayback Machine.
• Памятники архитектуры Владимирской области
• Владимирская область в справочнике-каталоге «Вся Россия» Archived 2008-05-16 ვებ-ხასჷლას Wayback Machine.
• Законодательное Собрание Владимирской области Archived 2012-01-28 ვებ-ხასჷლას Wayback Machine.
• Узкоколейные железные дороги Владимирской области^{[ღურელი რსხილი]} на «Сайте о железной дороге» Сергея Болашенко