ვიკიპედია:ინტერფეისიშ ადმინისტრატორეფი

ინტერფეისიშ ადმინისტრატორეფი (ინტერფეისიშ-ადმინეფი) — ვიკიმედიაშ პროექტეფიშ მახვარებუეფი, ნამუეფსჷთ შეულებჷნა CSS, JS დო JSON ხასჷლეფიშ დო თაშნეშე მედია-ვიკიშ ჯოხოეფიშ ოფირჩას რინელი ხასჷლეფიშ რედაქტირაფა. თენა აბანობური მახვარებუეფიშ აკა ბუნა რე, ნამუსჷთ შეულებუ გოთირუას (დარედაქტირუას) ბანდგა CSS/JS ხასჷლეფი. ათე ხასჷლეფს რინელ კოდის არსულენს არძა რედაქტორიშ ბრაუზერი. ათე ხასჷლეფიშ მეშქაშობათ შილებე გითირუას დინორეშ სტილქ დო გოფორმაფაქ, გითირუას ხასჷლეფიშ რჯებაქ ვარ-და გიუჭყას სპეციალური ვიკი-ხეჭკუდეფქ რედაქტირაფაშო.

SS/JS ხასჷლეფიშ რედაქტორიეფიშ უნარი, ნამუთ შხვა მახვარებუეფიშ ბრაუზერეფს მუშობას ათენს, ძალამ ჸონიერი დო ოძგაშეთ სახიფათო ხეჭკუდი რე მანე მახვარებუშ ხეს. თეშენ, ინტერფეისიშ ადმინისტრატორეფი ოკო რდანი მაღალკვალიფიციური მახვარებუეფი, ნამუეფსჷთ უღჷნა CSS-იშ დო JS-შ ჭიჭე რჩქინა იშენით, იჩინენდან ვიკიპედიაშ კონფიდენციალურალაშ პოლიტიკას დო ომანგეთ იარზან, დო მუჭო ოკო უნარღელჸუან დორხველი ომახვარებე ანგარიშეფიშ თხილუა (გეგშაგორან ჸონიერი დო უნიკალური პაროლეფი, დუდშე ეღან მანე ვირუსეფი, ოკორინე რე გჷმირინუან ჟირფაქტორამი ავტორიზაცია). ფონდი ვიკიმედია თხულენს არძა ინტერფეისიშ ადმინისტრატორქ გჷმირინუას ჟირფაქტორამი ავტორიზაცია.

ასე მარგალურ ვიკიპედიას 0 ინტერფეისიშ ადმინისტრატორი რე. ინტერფეისიშ ადმინისტრატორიშ მოხვარას ქახვილუთ-და, თქვა შეილებჷნა მიკართათ თინეფს მოთხირეფიშ ხასჷლას. გითოლწონეთ, ნამჷ-და რე ზუსტას თეჯგურა გლობალური ბუნა, ნამუშ მაკათურეფსჷთ შეულებჷნა გჷმირინუანი მუნეფიშ ნებეფი გლობალური ნებეფიშ პოლიტიკაშ ოსხირშა.

მოთხირი

ინტერფეისიშ ადმინისტრატორიშ სტატუსის მეღება შილებე ვიკიპედიაშ ბიუროკრატიშით. სტატუსიშ მიოღებელო ქჷდიტუათ ოკო მოთხირი კალშრღვაფაშ ხასჷლას. ინტერფეისიშ ადმინისტრატორალაშ კანდიდატი გუმაჯერენადას ოკო გეჸვენჯ მოთხირეფს:

1. ვიკიპედიას, ინტერფეისიშ ადმინისტრატორალაშ გიშაგორუეფიშ/კალიშრღვაფაშ მომენტშახ, ართი (1) წანათ კინოხ ოკო რდას დარეგისტრირაფილი.
2. რდას ოკო აქტიური, მინიმუმ 5 000 რედაქტირაფა გიშაგორუეფიშ/კალიშრღვაფაშ მომენტშახ.
3. გიშაგორუეფიშ/კალიშრღვაფაშ მომენტშახ, ოკო უღჷდას ვიკიპედიაშ ონდებელი მახვარებუშ დო გინმაჯინალიშ სტატუსი.
4. გიშაგორუეფიშ/კალიშრღვაფაშ მომენტშახ ვაუღჷდას ოკო ვანდალიზმიშ ისტორია.
5. გიშაგორუეფიშ/კალიშრღვაფაშ მომენტშახ ვაურჷდას ოკო ბლოკირაფაშ ისტორია.
6. ოკო ჩინებულენდას, უჩქუდას დო აღიარენდას ვიკიპედიაშ კანონეფს.
7. ოკო უჩქუდას მუშობა CSS, JS დო JSON ხასჷლეფწკჷმა.

მახვარებუეფიშ მუდანობა, ნამუეფჷთ რენა მოხუჯეეფი, მოვარიეფი ვარ-და დუდს მიკინენს, შანულამი ფაქტორი რე ართამი კონსენსუსიშ დადგინალო, მარა კანდიდატიშ წჷმოძინაშო მახვარებუეფიშ მინიმუმ 75%-იშ მოხუჯალაშ ოხვილუ. გიშაგორუეფიშ/კალიშრღვაფაშ პერიოდის ეკორაგადელჷ მოარზებეფქ დო არგუმენტეფქ შილებე მაკათურეფს კანდიდატიშ გეშა არზი დათირაფუასჷნ. ბიუროკრატის თაშნეშე გეძნელი ნება უღჷ გინოჭყვიდას, მუსხეთ მიოღებელი რე კონკრეტული კანდიდატი ინტერფეისიშ ადმინისტრატორო.

ინტერფეისიშ ადმინისტრატორიშ გიშაგორუეფი 7 დღაშ მეძენას იგჷნძორებუ, კალიშრღვაფაშ ხასჷლას.

გილანწყუმა

ინტერფეისიშ ადმინისტრატორს სტატუსი შილებე გელანწყანი ბიუროკრატიშით გეჸვენჯი შვანეფიშ ბორჯის:

1. ინტერფეისიშ ადმინისტრატორს ბოლო 1 წანაშ მეძენას ვაუკეთებუ მინიმუმ 1 (ართი) რედაქტირაფა CSS, JS დო JSON ხასჷლეფს-და, თის გეგლანწყუმუ სტატუსი.
2. ინტერფეისიშ ადმინისტრატორი ოხვილური ღანკით ვეგჷმირინუანს მუშ სტატუსის-და, თის გეგლანწყუმუ სტატუსი.
3. ინტერფეისიშ ადმინისტრატორი მუში ქიმინუეფით იჭანუანს CSS, JS დო JSON ხასჷლეფიშ სტრუქტურაშ დაკილებას, ნამუშით გავალი მითმიადრთუ ვიკიპედიაშ მიოჯინს, თის გეგლანწყუმუ სტატუსი.
4. ვიკიპედიაშ აქტიურ მახვარებუეფიშ მოთხირიშ ოსხირშა დო უმენტაშობაშ ხონარეფით, თის გეგლანწყუმუ სტატუსი.
5. ინტერფეისიშ ადმინისტრატორქ აკარცჷ ვიკიპედიაშ წესეფი დო დებლოკჷ ვიკიპედიას-და, თის ავტომატურო (ბლოკუაქშ ბორჯის) გეგლანწყუმუ სტატუსი. ხვილაფა: თე პუნქტი ვაწაწჷ გათხილებას.

ხვილაფა: შხვა არძა შვანს, თინეფს შქას კატასტროფულ დო ექსტრემალურ სიტუაციეფს, ბიუროკრატის უღჷ ნება ქიმინუას სიტუაციაშე გიშნაველი. მარა, ჯარალუას ვაუღჷ ნება წჷმარინუას გინოჭყვიდირიშ გინოჯინაშ მოთხირი, კატასტროფული დო ექსტრემალური სიტუაციაშ დორეგულირაფაშ უკული.

ბოტეფი

ნამდგა ბოტიშ ოპერატორს, ნამუთ თხულენს მუში ბოტიშო რედაქტირაფაშ ალობას, კჷნე მუს ოკო უღჷდას ომანგე სტატუსი (ათე შვანს ინტერფეისიშ ადმინისტრატორიშ).

ბოტეფიშ ოპერატორეფშო რეკომენდირაფილი რე ჟირფაქტორამი ავტორიზაციაშ გჷმორინაფა ბოტიშ ანგარიშეფშო, მარა უციო ვა რე.