ზეუდი არაია

ზეუდი არაია (ინგლ. Zeudi Araya; დ. ფურთუთა, 1951, დეკემჰარე, ერიტრეა) — ერიტრეალ-იტალიარი არტისტი დო პროდიუსერი.

ზეუდი არაია
ინგლ. Zeudi Araya
ზეუდი არაია, 1975 წანა
მოღალობა	არტისტი, კინოპროდიუსერი.
ბიოგრაფიული ჩინებეფი
დაბადებაშ თარიღი	10 ფურთუთა, 1951 (1951-02-10)
დაბადებაშ აბანი	დეკემჰარე, ერიტრეა
მენოღალობა	ერიტრეა  იტალია
ალმასქუ	ფრანკო კრისტალდი (1984-1992) მასიმო სპანო (1994-)
სქუალეფი	მიქელანჯელო სპანო

ბიოგრაფია

ზეუდი არაიქა დებადჷ 1951 წანაშ 10 ფურთუთას, ეთიოპიაშ დო ერიტრეაშ ფედერაციას, ჩინებულ ეთიოპიარ პოლიტიკოსიშ ფანიას. ზეუდი — ეთიოპიაე დიპლომატიშ ჯიმასქუა რე, ნამუთ 1960—1970-იან წანეფს ეთიოპიაშ ჸენჯი რდჷ იტალიას. 1969 წანას გათჷ სკოლა ადის-აბებას. თიმ წანას ზეუდიქ გიმორძგჷ „მის ეთიოპიაშ“ სისქვამეშ კონკურსის. 1970-იანეფიშ დაჭყაფუს მიდართჷ რომშა. იტალიურ ტელევიზიას არეკლამენდჷ ყავას.

1971 წანაშე მუშენდჷ კინოსტუდია „ჩინეჩიტას“. 1971—1974 წანეფს, რეჟისორ ლუიჯი სკატინიშ ეროტიკულ კინოკომედიეფს არსულენდჷ როლს. 1976 წანას, ზეუდი არაიაქ ილაჸაფჷ არძაშე ჩინებული კინოროლი — ობიშხელა, სერჯო კორბუჩიშ ჩინებულ კინოკომედიას „სინიორ რობინზონი“ იტალიარ კომიკოს პაოლო ვილაჯოწკჷმა ართო.

ელიზაბეტაშ როლი არსულჷ მძაფრსიუჟეტამ კინოფილმს „ნეაპოლიტანური დეტექტივი“ (1978, რეჷ. ს.კორბუჩი). არტისტიშ ართ-ართი საუჯგუშო როლი რე — შება, ჯულიანო მონტალდოშ ტრილერს „დღა დუდშე“ (1987).

პროდიუსერ ფრანკო კრისტალდიშ (ზეუდიშ ალმასქუ 1983–1992 წანეფს) რანწკ ფილმეფს არსულენდჷ როლეფს. 1990-იქნეფიშ დაჭყაფუშე კინოროლეფს ვარსულენს. ალმასქუშ ღურაშ უკული ზენდაიქ აქტიურო დეკჷ კინო- დო ტელეპროდიუსერალათ.

რესურსეფი ინტერნეტის

• ზეუდი არაია — კინოფილმეფიშ ინტერნეტ მუნაჩემეფიშ ბაზას (ინგლისური)