თალესი
თალეს მილეტარი (ბერძ. Θαλῆς ὁ Μιλήσιος, დ. დოხოლაფირო ჯვ.წ. 626/623, მილეტი — ღ. დოხოლაფირო ჯვ.წ. 548/545, მილეტი) — ბერძენი მათემატიკოსი, ასტრონომი დო ფილოსოფოსი, შკვითი ბერძენი ბრძენიშე ართ-ართი რე. არისტოტელეშ აზრით თალესი ჯვეში ბერძენული ფილოსოფიური ტრადიციაშ მაართა ფილოსოფოსი რდჷ. არისტოტელეს თალესი მიოჩქუდჷ ფილოსოფიაშ იონური სკოლაშ დუმარსხუაფალო.
| თალეს მილეტარი | |
| ბერძნ. Θαλῆς ὁ Μιλήσιος | |
 თალესი (ვილჰელმ მეიერიშ პორტრეტი. პორტრეტი გერსხილი რე მაანთხა ოშწანურაშ თალესიშ ბიუსტის) | |
| დაბადებაშ თარიღი: |
დოხოლაფირო ჯვ.წ. 626/623 |
|---|---|
| დაბადებაშ აბანი: | |
| ღურაშ თარიღი: |
დოხოლაფირო ჯვ.წ. 548/545 (78 წანერი) |
| ღურაშ აბანი: |
მილეტი |
| ომენცარე სფერო: | |
| ჯოხოშინელი მოგურაფეეფი: | |
მერჩქინელი რე ნამდა თალესი რდჷ ართ-ართი მაართა ფილოსოფოსი ნამუსჷთ მოსოფელიშ დო ოქიანუშ ეიოჭარალო დო ეიონწყჷმალო მითოლოგია ვეგმურინუაფჷ დო თინა ორთაშობური ობიექტეფიშ დო ფენომენეფიშ ენწყუმას ორთაშობური თეორიეფით დო ჰიპოთეზეფით ოცადუდჷ. თალესიშ მეჯინათ ორთაშ დო მატერიაშ დაჭყაფური სუბსტანცია წყარი რდჷ.
მათემატიკაშ დარგის თალესი ირინუანდჷ გეომეტრიაშ პრინციპეფს პირამიდეფიშ სიმაღალაშ ოზიმალო, თაშნეშე გემიშ სიშორაშ დისტანციაშ ოზიმალო წყარპიჯიშე. თალესი რდჷ ართ-ართი მაართა ფილოსოფოსი ნამუთ გიმირინუანდჷ დედუქციურ მეთოდეფს. თალესიშ ჯოხონობაშ რე თალესიშ თეორემა, მარა ნამთინე მენცარი ჸათე თეორემას პითაგორას ხოლო მითმიოჭარანს.
ლიტერატურა
რედაქტირაფა- Couprie, Dirk L. (2011). Heaven and Earth in Ancient Greek Cosmology: from Thales to Heraclides Ponticus. Springer. ISBN 9781441981158.
- O'Grady, Patricia F. (2002). Thales of Miletus: The Beginnings of Western Science and Philosophy. Western Philosophy Series. Vol. 58. Ashgate. ISBN 9780754605331.
რესურსეფი ინტერნეტის
რედაქტირაფა
- Thales of Miletus from The Internet Encyclopedia of Philosophy
- Thales of Miletus MacTutor History of Mathematics
- Thales' Theorem – Math Open Reference (with interactive animation)
- Thales biography by Charlene Douglass (with extensive bibliography)
- Thales of Miletus Life, Work and Testimonies by Giannis Stamatellos
- Thales Fragments