თარიშ ტიოზი
თარიშ ტიოზი (ჰინ. थार मरुस्थल) თაშნეშე ჩინებული მუჭოთ ინდოეთიშ დიდი ტიოზი, ტიოზი დო გვერდოტიოზი რზენი ინდოეთის დო პაკისტანს, წყარმალუ ინდიშ კვარჩხანპიჯონას. გინოზინდილი რე ოორუე-ბჟაეიოლშე ობჟათე-ბჟადალშა 850 კმ-ს. ფართობი დოხოლაფირო 300000 კმ². სიმაღალა 100-200 მ. ჟინპიჯი უთარაშო აკოგაფილი რე წყარმალუური, ზუღუური დო ეოლური ქვიშეფით, კანკალე მუნაკვათის კირდეამი ქანეფი იტარკალებუ. რელიეფის ჭარბენს ჩანარობეფით ფორილი ქვიშაშ სერეფი, დიუნეფი დო ბარხანეფი. ჰავა ტროპიკული რე. ნოლექეფი 90-1200 მმ. წანმოწანას. შხირი რე ტვერიშ ქარშხუფი. სერეფს შქას ინორზენეფს მორჩილი ტობეფი, წყითონა დო თაყირეფი რე. ჩანარობა თხითხუ რე, ირდუ ფსამოფილური ქვერჩხონი, მუთმოფხვადჷნა ჯალეფი. ოაზისეფს დო ინდიშ ლეხერს გოვითარაფილი რე ოწყარალი დიხათქიმინჯალა.
ლიტერატურა
რედაქტირაფა- ქორთული სხუნუეფიშ ენციკლოპედია, ტ. 4, ხს. 589, ქართი, 1979 წანა.
|
თე სტატია გეოგრაფიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |